მიხაელ ბალაკისთვის "ლევერკუზენში" გატარებული პირველი სეზონი ძალიან მძიმე გამოდგა, თუმცა ამას ობიექტური მიზეზი (ტრავმა) ჰქონდა. ამ სეზონში კი, 34 წლის ნახევარმცველი, რომელიც გერმანიის ნაკრებიდან ცოტა ხნის წინ დაიფრინეს, იმედოვნებს, რომ მისთვის ყველაფერი გაცილებით უკეთესად იქნება. მაგრამ ჯერჯერობით ბალაკის საქმეს კარგი პირი არ უჩანს. არადა, მიხაელმა მოსამზადებელი შეკრება თავიდან ბოლომდე გაიარა, ფიზიკური კონდიციაც საუკეთესო აქვს და არც უმოტივაციობას უჩივის - სულაც პირიქით. ექსპერტები, რომლებიც ბალაკს ვარჯიშებზე აკვირდებოდნენ, ამბობდნენ, მიხაელი იმდენად მონდომებულია, რომ კარიერის ერთ-ერთ საუკეთესო სეზონს ჩაატარებსო.
ლევერკუზენელებმა ამ სეზონში უკვე
მოსამზადებელი შეკრების შემდეგ დუტი ამბობდა, ბალაკი კარგ ფორმაშიაო, მაგრამ მაინც არ ათამაშებს. ერთადერთი დასკვნა, რომლის გაკეთებაც შეიძლება, ასეთია: დუტი ფიქრობს, რომ ბალაკი მის გუნდს ამ ეტაპზე ვერაფერს შემატებს. ზოგადად კი, თუ ლევერკუზენელებმა წარუმატებლობათა სერია გააგრძელეს და ახალი სეზონი ცუდად დაიწყეს, დუტს ძალიან მალე შეექმნება პრობლემები.
მიხაელ ბალაკი კი ჯერჯერობით დუმს. სადამდე? საკითხავი აი, რა არის.
ყოველდღიური სპორტული გაზეთი "ლელო"
