რაკი მიხაელ ბალაკს "ლევერკუზენში" სათადარიგოთა სკამს ახეხინებენ, გერმანიაში ბევრმა იფიქრა, რომ 34 წლის ნახევარმცველი აქტიური სპორტული კარიერის დასრულებაზე დაფიქრდებოდა, მაგრამ ფეხბურთელი არ ნებდება. "ფეხბურთის თამაშს მანამდე არ შევწყვეტ, სანამ არ ვიგრძნობ, რომ მეტი აღარ შემიძლია. ვითამაშებ და მაქსიმუმს გავაკეთებ მანამდე, სადამდეც სხეული მომყვება," - განუცხადა ბალაკმა ინგლისურ გაზეთ "მეილ ონ სანდეის".
მიხაელი აღიარებს, რომ ბოლო დროს კარიერის დასრულებაზე ხშირად ფიქრობდა, მაგრამ ყოველთვის იმ დასკვნამდე მიდიოდა, რომ ჯერ ადრეა. "ამერიკიდან თუ არაბეთიდან არაერთი შემოთავაზება მივიღე, მაგრამ მე ფული არ მჭირდება.
საკმარისად
შეგახსენებთ, რომ მიხაელის "ლევერკუზენი" ჩემპიონთა ლიგის ჯგუფში მის ექს-კლუბ "ჩელსისთან" ერთად მოხვდა, რაც ბალაკს ძალიან უხარია: "მას მერე, რაც ლონდონიდან წამოვედი, ყოფილ თანაგუნდელებთან და გულშემატკივრებთან გამომშვიდოდების შანსი არ მომცემია და მიხარია, რომ ჩემპიონთა ლიგაში ამის შანსი მომეცემა. "ჩელსის" ფანებს ძალიან ვემადლიერები."
ყოველდღიური სპორტული გაზეთი "ლელო"
