რალფ რანგნიკის გადადგომა "შალკეში" მეხის გავარდნასავით იყო (დეტალებზე გუშინდელ ნომერში ვწერდით), ახლა კი, გელზენკირხენული კლუბის ხელმძღვანელები ახალი დამრიგებლის ძებნას აქტიურად შეუდგნენ. გერმანული პრესა გუშინ ამ თემაზე აქტიურად წერდა - გაიჟღერა რამდენიმე სავარაუდო კანდიდატის გვართან. დამაინც: ვინ შევცლის "პროფესორ რალფს"?
"შალკეს" მმართველმა დირექტორმა კლემენს ტიონიესმა თქვა, ჩვენ არა სწრაფ, არამედ საუკეთესო გამოსავალს ვიპოვნითო და საქმეს შეუდგა. "ბილდის" ინფორმაციით, "შალკეს" ბოსებისთვის სასურველი სპეციალისტების სიაში პირველ ნომრად გერმანიის ნაკრების მთავარი მწვრთნელის, იოახიმ ლიოვის 46 წლის ასისტენტის, ჰანსი ფლიკის გვარი წერია.
თუმცა ამ უკანასკნელს
აღსანიშნავია, რომ ჰანსი ფლიკი კლუბში მწვრთნელად ბოლოს 2006 წელს მუშაობდა - ის ზალცბურგში ჯოვანი ტრაპატონის ასისტენტი გახლდათ. ჰანსი მანამდე "ჰოფენჰაიმს" ავარჯიშებდა - 2000-დან 2005 წლამდე, ანუ, იმ დრომდე, სანამ ამ გუნდს მილიარდერი დიტმარ ჰოპი მიხედავდა.
ცნობილია, რომ ჰანსი ფლიკი ახალგაზრდა მოთამაშეების მოყვარული და შემტევი ფეხბურთის მიმდევარი სპეციალისტია, რითაც "შალკეს" ხელმძღვანელების გემოვნებაში ასი პროცენტით ჯდება. საინტერესოა ისიც, რომ 1990-დან 1993 წლამდე ფლიკი და "შალკეს" მენეჯერი ჰორსტ ჰელდტი "კიოლნში" თანაგუნდელები იყვნენ.
ჩვენი გერმანელი კოლეგების ინფორმაციით, "შალკეს" შეფები მაიკ ბიუსკენსზეც ფიქრობენ, რომელიც გელზენკირხენში მთავარი მწვრთნელის მოვალეობას ორჯერ ასრულებდა და ორჯერვე დროებით. ეს უკანასკნელი "შალკეს" ფანებს ძალიან უყვართ.
თუმცა მაიკი ახლა მეორე ბუნდესლიგის ლიდერის, "ფიურტის" თავკაცია და ამ კლუბთან ხელშეკრულება 2012 წლის ივნისამდე აქვს გაფორმებული. თანაც, ბიუსკენსმა უკვე გააკეთა კომენტარი და თქვა, "შალკეში" გადასვლაზე არ ვფიქრობ, "ფიურტში" თავს შესანიშნავად ვგრძნობო.
ყოველდღიური სპორტული გაზეთი "ლელო"
