გუშინდელ ნომერში გაუწყეთ, რომ ტორსტენ ფინკმა "ჰამბურგის" ხელმძღვანელებს უარი შეუთვალა - მას "ბაზელის" შეფები არ უშვებენ.თუმცა "ჰამბურგი" იოლად დანებებას არ აპირებს - ფინკისთვის ბრძოლა გაგრძელდება და ჩვენი გერმანელი კოლეგების ვარაუდით, ჩრდილოგერმანული კლუბის ბოსები ტორსტენს მაინც წაიყვანენ.
მანამდე კი, გუნდს, როგორც მოსალოდნელი იყო, სპორტულმა დირექტორმა ფრანკ არნესენმა უნდა მიხედოს. ამ უკანასკნელს მწვრთნელის ლიცენზია აქვს და შესაბამისად, გერმანიის საფეხბურთო ლიგა მის კანდიდატურას ვერ დაბლოკავს ისე, როგორც როდოლფო ესტებან კარდოსოს კანდიდატურა დაბლოკა.
"მთავარი მწვრთნელის ფუნქციებს მანამდე შევითავსებ, სანამ ისეთ სპეციალისტს არ ჩამოვიყვანთ,
"კიკერი" კი ირწმუნება, რომ არნესენმა ახალი მწვრთნელის ძებნა უკვე დაასრულა და გარკვეული დრო სჭირდება იმას, რომ 43 წლის ფინკი მაინც დაითანხმოს. მანამდე, ფრანკის ასისტენტი კარდოსო იქნება და ამ წყვილის პირველი მისია "ფრაიბურგთან" გასვლითი შეხვედრაა, რომელიც კვირას გაიმართება.
ყოველდღიური სპორტული გაზეთი "ლელო"
