"ვერდერის" დაცვის ბურჯმა, ბრაზილიელმა ნალდომ ბრემენიდან წასვლის და სამშობლოში დაბრუნების სურვილი გამოთქვა, მაგრამ "მუსიკოსების" ხელმძღვანელები არ უშვებენ. ეს ინფორმაცია "ვერდერის" სპორტულმა დირექტორმა კალუს ალოფსმა დაადასტურა. მისი თქმით, 29 წლის მცველმა დეკემბრის ბოლოს მას თხოვნით მიმართა, ბრაზილიაში მეპატიჟებიან და გამიშვითო, მაგრამ "ვერდერი" ერთ-ერთი უმთავრესი ფიგურის დათმობას არ აპირებს.
ჩვენი გერმანელი კოლეგების ცნობით, ნალდოს გადაბირება "პორტო ალეგრეს" უნდა - ბრაზილიელს ბრემენულ კლუბთან კონტრაქტი 2013 წლამდე აქვს გაფორმებული. თუ ფეხბურთელი თავისას არ დაიშლის, ბრემენელები მას მინიმუმ 10 მილიონ ევროდ შეაფასებენ.
ყოველდღიური სპორტული გაზეთი
