"ლელოს" მკითხველი ინფორმირებულია იმის შესახებ, რომ "ჰანოვერი" ახალ თავდამსხმელს ეძებს. სპორტული დირექტორი იორგ შმადტკე და მწვრთნელი მირკო სლომკა, როგორც იქნა, შეთანხმდნენ, რომ "წითლებს" წინა ხაზზე გაძლიერება სჭირდებათ და რამდენიმე დღეა, ტრანსფერზე აქტიურად მუშაობენ. ამის მიზეზი ის გახლავთ, რომ იანვარმა "ჰანოვერს" ორი თავდამსხმელი გამოაკლო: დიდიე ია კონანი აფრიკის თასზეა, მოჰამედ აბდელაუ კი მძიმედ დაშავდა.
"ბილდის" უახლესი ინფორმაციით, "ჰანოვერმა" მიზანში "მანჩესტერ იუნაიტედის" თავდამსხმელი მამე დიუფი ამოიღო, რომელიც მანკუნიანელთა სარეზერვო გუნდში თამაშობს. სლომკა დიუფით დაინტერესებას ადასტურებს და ამბობს, იმედი მაქვს, ტრანსფერი განხორციელდებაო.
ალექს
ყოველდღიური სპორტული გაზეთი "ლელო"
