"თუ ახალ კონტრაქტს გავაფორმებ, ყველაფერი
მოგეხსენებათ, ჯერ კიდევ იანვარში დაიწყო დისკუსია იმის შესახებ, რომ შესაძლოა, იოახიმ ლიოვის მერე გერმანიის ნაკრები სწორედ ვან გაალს ჩააბარონ. გერმანიის საფეხბურთო კავშირმა იოგის კონტრაქტი 2012 წლამდე გაუგრძელა და ბუნდესგუნდს ახალი მწვრთნელი მინიმუმ ევროპის ჩემპიონატის ჩათვლით არ ეყოლება, მაგრამ ვან გაალი ღიად აცხადებს, რომ 2012 წელს მზად იქნება, ბუნდესმწვრთნელი გახდეს.
"გერმანიის საფეხბურთო კავშირის პრეზიდენტმა თეო ცვანციგერმა თქვა, რომ ურჩევნია, ნაკრები გერმანელ მწვრთნელს ჩააბაროს, რაც აბსოლუტურად ლოგიკურია, მაგრამ ყოველთვის არსებობენ მწვრთნელები, რომლებიც გერმანელები არ არიან და არსებულ კანდიდატებს აჯობებენ," - ამბობს ლუისი.
"ბაიერნში" გატარებულ ერთ წელს ვან გაალი დადებითად აფასებს: "ვფიქრობ, მე ყველაზე იაფი სპეციალისტი ვარ იმ სპეციალისტებს შორის, რომლებიც "ბაიერნს" ადრე წვრთნიდნენ. ყველგან ასე ვიყავი. სადაც მიმუშავია, ყველგან მილიონებს იხდიდნენ, ფული კი ჩემთვის მთავარი არსად ყოფილა. მაგალითად, რაც ამსტერდამის "აიაქსმა" ჩემთვის საკმაოდ დაბალი ხელფასის დანიშვნით დაზოგა, ჰოლანდიურ გრანდს იმ ფულით ახალი სტადიონის აშენება შეეძლო. "ბარსელონაში" დღეს აღლუმი ჩავის და ინიესტას მიჰყავთ – ეს ფეხბურთელები მე აღმოვაჩინე და გავზარდე. "ალკმაარმა" კი ჩემპიონთა ლიგის ჯგუფურ ეტაპზე მოხვედრით 15 მილიონი იშოვა."
