"ჰამბურგთან" 1:1-ს "ბაიერნისთვის" ლიდერობის დაკარგვა მოჰყვა, ლიდერობის დაკარგვას კი პესიმიზმი. მიუნხენური კლუბის საპატიო პრეზიდენტ ფრანც ბეკენბაუერს მიაჩნია, რომ გერმანიის ჩემპიონატის მე-20 ტურის შემდეგ "ბაიერნი" ბუნდესლიგის უპირველესი ფავორიტი აღარაა."დორტმუნდის "ბორუსია" გერმანიის მოქმედი ჩემპიონია და იურგენ კლოპის გუნდი სატურნირო ცხრილს ახლაც ერთპიროვნულად ლიდერობს. შესაბამისად, ლოგიკურია, რომ ბუნდესლიგის უმთავრეს ფავორიტად უკვე "დორტმუნდი" უნდა მივიჩნიოთ, - წერს 66 წლის კაიზერ-ფრანცი გაზეთ "ბილდის" ფურცლებზე და იქვე დასძენს, - კლოპს მოვუწოდებ, თავი დაანებოს თვალთმაქცობას და იმის მტკიცებას, რომ ფავორიტი მაინც "ბაიერნია" და რომ ჩემპიონი რეკორდმაისტერი
ბეკენბაუერს კარგად ესმის, რატომაც იქცევა კლოპი ასე - მას უნდა, რომ თავის ფეხბურთელებს ზეწოლა აარიდოს და მათ "მეცხრე ცაზე ყოფნის" საშუალება არ მისცეს, რადგან ეს დასჯადი ფენომენია, მაგრამ: "როცა "დორტმუნდი" მე-20 ტურის შემდეგ ცხრილს ლიდერობს, მთელი საფეხბურთო გერმანიის დაცინვაა იმის მტკიცება, რომ მთავარ ფავორიტად მაინც "ბაიერნი" რჩება," - მიაჩნია ბეკენბაუერს.
მისი აზრით, მიუნხენურ გრანდს მეორე წრეში ის სიმსუბუქე აკლია, რაც იუპ ჰაინკესის გუნდს სეზონის პირველ ნახევარში ყველაზე მეტად ამშვენებდა. სამაგიეროდ, "კაიზერ-ფრანცის" თქმით, ეს სიმსუბუქე დორტმუნდელებმა დაიბრუნეს.
"ბაიერნს" ახლა ურთულესი პერიოდი ელის, რადგან ჩემპიონთა ლიგაშიც მოუწევს ასპარეზობა, დორტმუნდელებს კი ეს პრობლემა აღარ აქვთ," - წერს ბეკენბაუერი.
ყოველდღიური სპორტული გაზეთი "ლელო"
