მიუნხენის "ბაიერნის" საპატიო პრეზიდენტმა ფრანც ბეკენბაუერმა თავისი გუნდის ნახევარმცველი ფრანკ რიბერი შეაქო.შეგახსენებთ, რომ რიბერიმ ბუნდესლიგის მატჩში "შალკესთან" ორი გოლი გაიტანა.
"რიბერი ფენომენალური მოთამაშეა. ამ თამაშში მის მოქმედებებზე დაკვირვება ძალიან სასიამოვნო იყო. როგორ მოძრაობდა, როგორ მოქმედებდა! ამას გარდა, ის მეტოქესთან ერთი-ერთზე ბრძოლაშიც სტაბილური გახდა.
შესანიშნავ ფორმაში უნდა იყო ასე რომ ითამაშო. ჩემი სიტყვების დასტური მარცხენა ფლანგიდან "ბაიერნის" მრავალრიცხვოვანი შეტევებია", - აღნიშნა ბეკენბაუერმა.
