მიუნხენის "ბაიერნის" ნახევარმცველმა ფრანკ რიბერიმ გერმანიასთან (2:1) ამხანაგურ მატჩში ტრავმა მიიღო.ფრანგების მთავარი მწვრთნელის ლორან ბლანის თქმით, რიბერი პირველ ტაიმში დაშავდა.
"მას ისე მაგრად ჩაარტყეს, შესვენებაზე სიარულიც ვერ შეძლო", - აღნიშნა ბლანმა.
1 მარტს რიბერი სამედიცინო გამოკვლევას ჩაიტარებს. არ არის გამორიცხული, რომ ნახევარმცველს ლევერკუზენის "ბაიერთან" გერმანიის ჩემპიონატის მატჩის გამოტოვება მოუხდეს.
