მიუნხენის "ბაიერნის" ნახევარმცველმა ბასტიან შვაინშტაიგერმა განაცხადა, რომ ეჭვიც არ ეპარება მისი გუნდის ჩემპიონობაში. "კვირაში ორ თამაშს ვატარებთ. ასეთ დაძაბულ ტემპში თამაში საკმაოდ რთულია. მიუხედავად ამისა, ჯერჯერობით ასპროცენტიან შედეგს ვუჩვენებთ.
მე პირადად დორტმუნდის "ბორუსიას" ლიდერობა საერთოდ არ მაშფოთებს. ჩემპიონატის დასრულებამდე 6 მატჩი დარჩა. თუ ყველა მათგანს მოვიგებთ, ჩემპიონები გავხდებით.
ბუნდესლიგის გარდა არც ჩემპიონთა ლიგა უნდა დავივიწყოთ. კარგია, რომ "მარსელთან" პირველი მატჩის შედეგი საპასუხო შეხვედრაში მოშვების საშუალებას გვაძლევს", - განაცხადა შვაინშტაიგერმა.
