მიონხენგადლაბახის "ბორუსიამ" "ბაზელის" უნიჭიერესი ნახევარმცველისკენ, გრანიტ ჯაკასკენ პირველი ნაბიჯი გადადგა: გავრცელებული და ოფიციალურად დადასტურებული ინფორმაციის თანახმად, 19 წლის შვეიცარიელი თანახმაა, მომავალი სეზონიდან "გლადბახში" იასპარეზოს. ახლა უკვე კლუბები უნდა შეთანხმდნენ და ცნობილია, რომ "ბაზელი" თანახმაა, ერთ-ერთი ლიდერი გაყიდოს. რამდენად უღირს "გლადბახს" ჯაკა - საკითხავი ახლა ეს არის.
"ჩემთვის ყველაფერი ცხადია, - უთხრა ჯაკამ "ბაზლერ ცაითუნგს", - ახლა კლუბები უნდა შეთანხმდნენ. იმედია, მოლაპარაკებები წარმატებით დამთავრდება და კარიერას "გლადბახში" გავაგრძელებ. ეს ჩემთვის კარიერის ახალი ეტაპი და უდიდესი გამოწვევა იქნება".
გრანიტ ჯაკას "ბაზელთან" კონტრაქტი
"გლადბახს" ფული აქვს, რადგან მარკო როისის ტრანსფერი ("დორტმუნდში" გადადის) 17.1 მილიონ ევროს მოუტანს, დანტეს ტრანსფერი კი ("ბაიერნში" გადადის) - 5 მილიონს.
ყოველდღიური სპორტული გაზეთი "ლელო"
