მიუნხენის "ბაიერნის" ნახევარმცველმა არიენ რობენმა განაცხადა, რომ ისიც და მისი პარტნიორებიც გასული სეზონის შოკისგან უკვე გამოფხიზლდნენ. სამივე ტურნირზე - გერმანიის ჩემპიონატსა და თასზე, ასევე, ჩემპიონთა ლიგაში, მიუნხენელებს გამარჯვებამდე ერთი ნაბიჯი დააკლდათ.
საშინაო არენაზე "ბაიერნი" დორტმუნდის "ბორუსიასთან" ორჯერ დამარცხდა, ევროთასებზე კი "ჩელსისთან" წააგო.
"გასული სეზონისგან გამოვერკვიეთ. სამი ტურნირის მოგებამდე თითო ნაბიჯი დაგვაკლდა. სამწუხაროდ, ჩვენს კოლექციას ვერცერთი ტიტული ვერ შევმატეთ.
თუმცა ეს ამბავი გამარჯვებებისა და ტიტულებისთვის უფრო მეტად აგვანთებს. გუნდში საბრძოლო განწყობა იგრძნობა", - განაცხადა რობენმა.
