უფლება აღარ გვაქვსმიუნხენის “ბაიერნის” 28 წლის ფრანგი ლიდერი ფრანკ რიბერი აცხადებს, რომ მასა და მის თანაგუნდელებს აღარ აქვთ უფლება, ბუნდესლიგაში ბოლო ორი წლის განმავლობაში დაშვებული შეცდომები გაიმეორონ.
რასაკვირველია, გერმანიის ჩემპიონობის უმთავრეს ფავორიტად სწორედ რეკორდმაისტერი მიიჩნევა, მაგრამ იმის გათვალისწინებით, რომ იურგენ კლოპის გუნდიც არ დასუსტებულა, პირიქით თუ არ ვიტყვით, ეს ბრძოლა მაქსიმალურად დაძაბული უნდა იყოს.
რიბოს მტკიცებით, ბრძოლა ფსიქოლოგიურ ფრონტზე 12 აგვისტოს “ბორუსიასთან” სუპერთასზე მიუნხენის “ალიანს არენაზე” დანიშნულ შეხვედრაში იწყება. “გერმანიის ჩემპიონატის მოგება ყოველი ჩემი თანაგუნდელისთვის განსაკუთრებულად მნიშვნელოვანია. ჩვენ აღარ
საუკეთესოები უნდა ვიყოთ
ამბიციური გეგმები აქვს “ბაიერნის” მთავარ მწვრთნელ იუპ ჰაინკესსაც. გაზეთების მტკიცებით, მორიგი სეზონის დაწყებამდე დონ იუპი ოპტიმისტურად არის განწყობილი. “ჩვენ მწვერვალებს შევუტევთ. “ბაიერნი” ვალდებულია, გერმანიის საუკეთესო გუნდის სახელი მოიპოვოს. ამისთვის სეზონი მაქსიმალურად კონცენტრირებულებმა უნდა დავიწყოთ. ამას გარდა მოვითხოვ ფეხბურთელებისგან, რომ ყოველი დეტალის მიმართ უფრო ყურადღებიანები გახდნენ,” - აცხადებს 67 წლის მწვრთნელი.
მიულერი: ვემზადებით!
“შპორტ აინცი” თომას მიულერს დაუკავშირდა და გუნდის მზადებაზე ორიოდე სიტყვის თქმა სთხოვა. “მაგალითი იმისა, თუ რა შეიძლება დაგემართოს, როცა ყველა თამაშზე კონცენტრირებული არ ხარ, ბაიერნელებს თვალწინ გვაქვს. ფეხბურთელები ჩვენთან ასე უბრალოდ არ მოდიან.
ზაბენერშტრასეზე (“ბაიერნის” ბაზა სწორედ ამ ქუჩაზე მდებარეობს. რედ) ყველას თავის ამბიცია აქვს. კიდევ ერთი წელიწადი უტიტულოდ დარჩენას არავინ შეეგუება. რაკი ტიტულები ძალიან მოგვენატრა, ამიტომ გაბოროტებულები ვართ და გადამწყვეტი ბრძოლისთვის ვემზადებით. “ბაიერნი” პრეტენდენტებს ნამდვილ ომს გაუმართავს ბუნდესლიგაში,” – თქვა 22 წლის ფეხბურთელმა.
იოლად არაფერი მოვა
“ბაიერნისა” “დორტმუნდის” მომავალ დაპირისპირებებს შეეხო გერმანული გრანდების ყოფილი დამრიგებელი ოტმარ ჰიტცფელდიც. 63 წლის სპეციალისტის აზრით, “ბაიერნი” ფავორიტია, მაგრამ მისი მთავარი კონკურენტის მიერ შემადგენლობის გაძლიერების გამო სეზონი მაინც ძალიან რთული იქნება.
“ბოლო ორი სეზონის განმავლობაში დორტმუნდელები საკუთარ ძალებში დარწმუნდნენ. ამას გარდა კლოპის გუნდს ახლა მარკო როისიც ჰყავს, ასე რომ, მათთან ჭიდილი “ბაიერნისთვის” იოლი არ იქნება,” - აცხადებს ლეგენდარული მწვრთნელი, ვისაც ორივე გუნდთან ერთად მოუგია ჩემპიონთა ლიგაც და ბუნდესლიგის ჩემპიონის ტიტულიც.
კონფლიქტი ამოწურულია
მადრიდის “რეალთან” ჩემპიონთა ლიგის 1/2-ფინალური მატჩის შემდეგ ფრანკ რიბერისა და არიენ რობენს შორის კონფლიქტი რომ მოხდა, ამაზე ჩვენი გერმანელი კოლეგები თავის დროზე ბევრს წერდნენ. ითქვა, რომ ფრანგი თანაგუნდელს ხელითაც კი შეეხოო. დეტალები იმისა, თუ რა მოხდა რეალურად ვარსკვლავებს შორის, რა თქმა უნდა, ოფიციალურად არავინ დაადასტურა, მაგრამ ფაქტია, რომ კლუბმა სწორედ რიბერი დააჯარიმა. მოულოდნელად ამ თემაზე ჰოლანდიელი ალაპარაკდა და განაცხადა, რომ მან და ფრანკმა ყველაფერი დაივიწყეს და ისევ მზად არიან “ბაიერნის” საკეთილდღეოდ იბრძოლონ.
“არავის უარუყვია, კონფლიქტი ნამდვილად იყო, მაგრამ იმ მომენტში ნერვები ყველას მოშლილი გვქონდა. ვწუხვარ, რომ ასე მოხდა, რადგან იქამდე ჩემსა და ფრანკს შორის პრინციპში იდეალური ურთიერთობები იყო. კარგია, რომ ყველაფერი დავიწყებას მიეცა. ჩვენ ორივეს ერთი გზა გვაქვს გასავლელი, ასე რომ, მზად ვარ, მის გვერდით ფეხბურთის თამაშისგან ისევ ძველებურად ვისიამოვნო,” – აცხადებს “ბილდთან” ინტერვიუში რობენი.
ყოველდღიური სპორტული გაზეთი "ლელო"
