გერმანიის ყველაზე პოპულარულმა კლუბმა, მიუნხენის "ბაიერნმა" იმ გულშემატკივრების რაოდენობით, რომლებიც კლუბის წევრებად არიან დარეგისტრირებულები, "ბარსელონას" გაუსწრო. ეს მაჩვენებელი ამ დროისთვის 185 ათას ადამიანს ითვლის, მაშინ, როდესაც "ბარსელონას" ოფიციალური ფანების რიცხვი 170 ათასია.
მიუნხენური კლუბი ოფიციალური წევრების რაოდენობით მეორე ადგილზეა და მხოლოდ ლისაბონის "ბენფიკას" ჩამორჩება, რომელსაც 224 ათასი დარეგისტრირებული გულშემატკივარი ჰყავს.
