ფოლკერ ფინკეს „კიოლნის“ სპორტულ დირექტორად მუშაობა ოფიციალურად ჯერ არ დაუწყია, მაგრამ უკვე პირველი ტრანსფერი სრულყო: გუშინ „კიოლნმა“ კონტრაქტი გაუფორმა მიუნხენის „ბაიერნის“ ყოფილ მეკარეს, მიხაელ რენზინგს, რომელიც ზაფხულის მერე უკლუბოდ იყო. ამ ხუთი თვის განმავლობაში 26 წლის რენზინგი ბეცირკსობერლიგელ „გარხინგში“ ვარჯიშობდა და ცდილობდა, ფორმა შეენარჩუნებინა. „კიოლნთან“ გაფორმებულ ხელშეკრულებას ვადა სეზონის ბოლომდე აქვს და თუ მიხაელმა იმედები გაამართლა, „თხები“ მას უფრო ხანგრძლივ კონტრაქტს გაუფორმებენ.
„ეს ხუთი თვე ჩემს ცხოვრებაში ურთულესი პერიოდი იყო. „ბაიერნის“ მეკარეობის მერე უმუშევრად დარჩენა და ხუთი თვე უსაქმოდ ყოფნა
„მიხაელ რენზინგი ძალიან კარგი მეკარეა. შესაძლოა, „ბაიერნში“ ვერ გაამართლა, მაგრამ „კიოლნისთვის“ ამ ეტაპზე ზედგამოჭრილი კიპერია, - აცხადებს ფინკე და იქვე დასძენს, - ჩვენი მიზანი ბუნდესლიგაში ადგილის შენარჩუნებაა. მწვრთნელობა აღარ მინდოდა და სხვათა შორის, არც სათადარიგოთა სკამზე ჯდომას ვაპირებ.“
ფინკე არც იმას გამორიცხავს, რომ „კიოლნში“ ერთი-ორი იაპონელი ფეხბურთელი ჩაიყვანოს. მოგეხსენებათ, ფოლკერი ერთი წელი იაპონიაში მუშაობდა და იქაურ ბაზარს ძალიან კარგად იცნობს.
