ბასტიან შვაინშტაიგერი განსაკუთრებულ ფეხბურთელად წლებია მიიჩნევა, ახლა კი თამამად შეგვიძლია მას მსოფლიო დონის სუპერვარსკვლავი ვუწოდოთ: ყველაზე პოპულარულმა და ავტორიტეტულმა გერმანულმა გამოცემა „კიკერმა“ „ბაიერნისა“ და გერმანიის ნაკრების ლიდერი 2010 წლის საუკეთესო გერმანელად დაასახელა.
„წლის კაცად“ შვაინის აღიარება მოულოდნელი არავისთვის ყოფილა, რადგან 26 წლის ნახევარმცველს მართლაც საუცხოო სეზონი ჰქონდა. ბასტიანი ერთ-ერთი საუკეთესო იყო როგორც „ბაიერნში“ (რეკორდმაისტერთან ერთად, გერმანიაში დუბლი შეასრულა და ჩემპიონთა ლიგის ფინალში გავიდა), ისე გერმანიის ნაკრებშიც (მესამე ადგილი მსოფლიოს ჩემპიონატზე). 2010 წელს შვაინშტაიგერმა უდიდესი პროგრესი განიცადა და თამამად შეიძლება იმის
„ბასტიან შვაინშტაიგერი არა მარტო გერმანიის საუკეთესო ფეხბურთელია, არამედ მსოფლიოში ერთ-ერთი საუკეთესო, ნებისმიერი კლუბისთვის საოცნებო მოთამაშეა“, - აი, ასეთი ეპითეტებით ამკობს მას გერმანული ფეხბურთის ცოცხალი ლეგენდა ფრანც ბეკენბაუერი, რომელიც თავის მხრივ, „კიკერის“ „წლის კაცის“ უმნიშვნელოვანესი სტატუსის პირველი კავალერი იყო - 1990 წელს, როცა ბუნდესმწვრთნელის რანგში მსოფლიოს ჩემპიონი გახდა. თვითონ შვაინიც აღიარებს, რომ 2010 წელი მის კარიერაში საუკეთესო იყო.
შვაინშტაიგერმა, რომელსაც გერმანიის ნაკრებში უკვე 84 მატჩი აქვს ჩატარებული, „კიკერის წლის კაცის“ „პოსტზე“ ფელიქს მაგათი შეცვალა. წლის საუკეთესოს „კიკერი“ 1990 წლიდან ასახელებს და აი, ყველა გამარჯვებულიც:
წელი ფეხბურთელი კლუბი/სტატუსი
2010 ბასტიან შვაინშტაიგერი ბაიერნი
2009 ფელიქს მაგათი ბაიერნი/ვოლფსბურგის მწვ.
2008 ფრანკ რიბერი ბაიერნი
2007 ივან კლასნიჩი ვერდერი
2006 ფრანც ბეკენბაუერი მუნდიალის სკ-ს შეფი
2005 თომას დოლი ჰამბურგის მწვრთნელი
2004 თომას შააფი ვერდერის მწვრთნელი
2003 ფელიქს მაგათი შტუტგარტის მწვ.
2002 მიხაელ ბალაკი ლევერკუზენი/ბაიერნი
2001 ოლივერ კანი ბაიერნი
2000 რუდი ფიოლერი ლევერკუზენი/გერმანია
1999 ლოთარ მათეუსი ბაიერნი
1998 ოტო რეჰაგელი კაიზერსლაუტერნის მწვ.
1997 ოტო რეჰაგელი კაიზერსლაუტერნის მწვ.
1996 თომას ჰელმერი ბაიერნი
1995 ბერტი ფოგთსი გერმანიის ნაკრების მწვ.
1994 ფოლკერ ფინკე ფრაიბურგის მწვ.
1993 ვინფრიდ შეფერი კარლსრუეს მწვ.
1992 ერიხ რიბეკი ბაიერნის მწვ.
1991 კარლ-ჰაინც ფელდკამპი კაიზერსლაუტერნი
1990 ფრანც ბეკენბაუერი გერმანიის ნაკრების მწვ.
