"ბაიერნის" საპატიო პრეზიდენტმა ფრანც ბეკენბაუერმა განიხილა მთავარი მწვრთნელის, ხოსეპ გვარდიოლას ტაქტიკა "ვოლფსბურგთან" შეხვედრაში. მიუნხენელთა სასტარტო შემადგენლობაში მინდორზე იყვნენ საყრდენი ნახევარმცველები - ჩაბი ალონსო და ბასტიან შვაინშტაიგერი, რაც კაიზერ ფრანცის აზრით, შეცდომა იყო. "ალონსო და შვაინშტაიგერი ერთად მოედანზე - ძალიან არადინამიკურია. ასეთი განლაგებით ძალიან დიდი აქცენტი კეთდება დაცვაზე. ეს არ არის "ბაიერნის" სათამაშო ფილოსოფია.
შვაინშტაიგერი ალონსოზე უკეთ უტევს, ეს უკანასკნელი კი დაცვაშია უფრო ძლიერი. საჭიროა მათ შორის არჩევა", - ამბობს ბეკენბაუერი, რომელმაც იმასაც გაუსვა ხაზი, რომ ეს ნახევარმცველები კარგად არ არიან
გვარდიოლას პასუხმა არ დააგვიანა: "ბურთი ყოველთვის უფრო სწრაფია მსოფლიოს ყველაზე სწრაფ ფეხბურთელზე. თუ მე დავიწყებ მოთამაშეების შეცვლას და ისინი მოტოციკლებით ითამაშებენ, მაშინ, შესაძლოა, შევძლოთ მეტოქეთა კონტრშეტევების გაკონტროლება".
ყოველდღიური სპორტული გაზეთი "ლელო"
![ასე დასცინეს გვარდიოლას "ტოტენჰემის" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]](/pictures/image7/dae53d15a7ea3ed2658a0515f50a9770.png "ასე დასცინეს გვარდიოლას \"ტოტენჰემის\" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]")
