"ვოლფსბურგის" ნახევარმცველი კევინ დე ბრუინი მიუნხენის "ბაიერნის" ინტერესთა სფეროში მოხვდა. რეკორდმაისტერის ხელმძღვანელები უკვე დაუკავშირდნენ ბელგიელი ფეხბურთელის აგენტს, თუმცა მისგან ცივი უარი მიიღეს. "ბილდი" 23 წლის ფეხბურთელის აგენტს შემდეგ სიტყვებს მიაწერს: "კლუბი, რომელიც ფიქრობს, რომ დე ბრუინის ხელში ჩაგდება 30 მილიონ ევროდ შეუძლია, წარსულით ცხოვრობს. კევინი 55-60 მილიონი ევრო მაინც ღირს".
შეგახსენებთ, რომ დე ბრუინმა ამ სეზონში უკვე 16 საგოლე გადაცემა გააკეთა, რაც ბუნდესლიგაში საუკეთესო შედეგია. ადრე გავრცელდა ინფორმაცია, რომ მისით "პარი სენ-ჟერმენია" დაინტერესებული.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
