"ვოლფსბურგმა" ედინ ჯეკო 35 მილიონ ევროდ გაყიდა და ახლა საკმაოდ ბევრი ფული აქვს იმისათვის, რომ ბოსნიელი თავდამსხმელის შემცვლელი შეიძინოს. გუშინ გერმანულ მედიასივრცეში მთელი დღის განმავლობაში ვრცელდებოდა ცნობები იმის შესახებ, რომ "მგლებმა" მიზანი ორი გამოცდილი ფორვარდისკენ მიმართეს და თვის ბოლომდე ერთ-ერთთან კონტრაქტს გააფორმებენ. საუბარია "ლევერკუზენის" თავდამსხმელ პატრიკ ჰელმესზე და მოსკოვის "დინამოს" გერმანელ თავდამსხმელ კევინ კურანიზე. "ვოლფსბურგერ ნახრიხთენის" ცნობით, გუნდის მთავარი მწვრთნელი სტივ მაკლარენი უპირატესობას კურანის ანიჭებს.
.
