ორშაბათს, ფრანკფურტში, გერმანიის საფეხბურთო კავშირის მთავარ ოფისში ბუნდესლიგის კლუბების მწვრთნელები შეიკრიბნენ და ყველა საჭირბოროტო საკითხზე იმსჯელეს. შეხვედრას გერმანიის ნაკრების მთავარი მწვრთნელი იოახიმ ლიოვიც ესწრებოდა, რომელმაც საღამოს პრესასთან სასაუბროდ მოიცალა და საკმაოდ დიდხანს ილაპარაკა დორტმუნდის „ბორუსიას“ ნახევარმცველ მარიო გიოტცეს შესახებ, რომელიც გერმანული ფეხბურთის ამომავალ ვარსკვლავად მიიჩნევა.
„არ დაგიმალავთ, ჩემთვის მართლა გასაოცარია ის, რომ მარიო ბუნდესლიგაში უმაღლეს დონეზე თამაშობს და თანაც, ისეთი მშვიდი და აუღელვებელია, თითქოს 18-ის კი არა, უკვე 30 წლის იყოს. გიოტცე გერმანიის ნაკრებშიც მყავდა გამოძახებული და ძალიან მომეწონა. „ჰამბურგთან“
