„ანდერლეხტის“ ყმაწვილკაც რომელუ ლიკაკუს შეძენა ბევრ გუნდს სურს, თუმცა, რამდენადაც „დეილი მეილისთვის“ გახდა ცნობილი, რიგში პირველი „ტოტენჰემ ჰოთსპურია“. ლიკაკუ 17 წლისაა, ის თავდამსხმელია. თამაშის სტილით მას დიდიე დროგბას ადარებენ — ათლეტურია და სწრაფი. ასაკის მიუხედავად ის უკვე ათამაშეს ბელგიის ნაკრებში. სულ ახლახან, იანვარში, „ანდერლეხტმა“ ლიკაკუს სოლიდური ფასი დაადო — 26,6 მილიონი ევრო, თუმცა, ჟურნალისტებისთვის ცნობილი გახდა, რომ ბრიუსელის გუნდი ზაფხულში რეალურ მყიდველს ფასს სერიოზულად დაუკლებს. თუ რამე არ შეიცვალა, „ტოტენჰემს“ მასში 20 მილიონი ევროს გადახდა მოუწევს.
ამბობენ, რომ „სფურზის“ თავკაცი
191 სანტიმეტრი სიმაღლის, დაბადებით ანტვერპენელი ყმაწვილკაცი კარგა ხანია „ჩელსის“, „მანჩესტერ სიტის“ და „მანჩესტერ იუნაიტედის“ სკაუტების დაკვირვების ობიექტია. რასაკვირველია, მის პროგრესს სხვა ევროპული კლუბებიც ყურადღებით ადევნებენ თვალს, მაგრამ ბოლოხანს ვარსკვლავბიჭუნამ გოლების გატანას უკლო და მისი გადაბირების მსურველთა რიგში პირველი „ტოტენჰემი“ დარჩა. დაინტერესებულ კლუბთა შორის ასახელებენ „ვესტ ჰემსა“ და „ევერტონსაც“, მაგრამ ისინი „სფურზის“ შემდეგ მოდიან.
მიმდინარე სეზონში ლიკაკუმ „ანდერლეხტის“ მაისურით 12 გოლი გაიტანა, ბელგიის ნაკრებში კი ორჯერ გამოიჩინა თავი, თუმცა შობის შემდეგ მხოლოდ სამჯერ დაარტყა შედეგიანად.
თავდასხმის პრობლემის გადასაწყვეტად ჰარი რედნაპი „ლორიანის“ 23 წლის ფეხბურთელ კევინ გამეიროს ყიდვასაც აპირებს. გამეირომ მიმდინარე სეზონში 26 შეხვედრაში 17 გოლი გაიტანა.
