ინგლისში უეინ რუნის გინებაზე ლაპარაკს ვერა და ვერ დაუსვეს წერტილი. „მანჩესტერ იუნაიტედის“ ვარსკვლავს კვლავ „ვესტ ჰემთან“ შეხვედრის დროს მომხდარ ამბავზე ჰკითხეს და მანაც უპასუხა, რომ ჩადენილს ძალიან ნანობს. შეგახსენებთ, რომ პრემიერლიგის ლიდერები ლონდონელებთან 2:0-ს აგებდნენ, როდესაც რუნიმ ფხა გამოიღო და სამი გოლი გაიტანა. ამით გახარებულმა თავდამსხმელმა მოედნის კიდესთან ტელეკამერასთან მიირბინა და სიხარულის გამოსახატავად გინება დაიწყო. ამ საქციელისთვის „იუნაიტედის“ ვარსკვლავი ორთამაშიანი დისკვალიფიკაციით დასაჯეს. შაბათს მას ფეხბურთის ასოციაციის ნახევარფინალში „მანჩესტერ სიტისთან“ თამაშის გამოტოვება მოუწევს.„ემოციით ვიყავი შეპყრობილი, რას ვაკეთებდი თავად ვერ ვხვდებოდი.
გასულ კვირაში რუნის შესახებ პრესაში ისიც დაიწერა, რომ „კოკა კოლამ“ მასთან სარეკლამო თანამშრომლობა გინებისა და ცუდად ქცევის გამო შეწყვიტა.
„ეს ტყუილია, — გაეცინა მანჩესტერელს, — „კოკა კოლას“ გასული სეზონის მიწურულს ველაპარაკე. მათ მაშინვე მითხრეს, რომ ოლიმპიადის მოახლოების გამო ჩემგან მეტი აქტიურობა სჭირდებოდათ, მე კი საამისო დრო არ მაქვს. ჩვენ მაშინვე შევთანხმდით, რომ „კოკა კოლას“ სახე 2010 წლის მერე აღარ ვიქნებოდი, უბრალოდ, ეს ამბავი ახლა გახმაურდა“.
