„ლივერპულის“ ახალი თავკაცი, კენი დალგლიში „ნიუკასლ იუნაიტედისგან“ 28 წლის ჩეხუბისთავის, ჯოი ბარტონის ყიდვას აპირებს. ამბობენ, რომ მერსისაიდული გუნდის შოტლანდიელი ლეგენდა საქმის გაჩარხვას 5 მილიონ ფუნტად აპირებს. „კოპის მეფე კენი“ (კოპი ტრიბუნაა „ენფილდ როუდზე“) ბარტონის თამაშსა და პროგრესს, თურმე, დიდი ხანია აკვირდება და ნახევარმცველი ძალიან მოსწონს, თუმცა, შეუძლებელია არ ესმოდეს, რომ ამ გაუწონასწორებელი კაცის ყიდვამ შეიძლება შარს გადაჰყაროს.
რამდენადაც ტაბლოიდებისთვის გახდა ცნობილი, დალგლიშს ზაფხულში ექვსი ახალი მოთამასის ყიდვა აქვს გადაწყვეტილი. მას სიაც ჩამოუწერია, რომელშიც შედიან: „ბლექბერნის“ ფილ ჯონსი, „ბლექპულის“ ჩარლი ადამი,
თან, ბარტონი წარმოშობით მერსისაიდელია, ლივერპულის სიახლოვეს, ჰუიტონში გახლავთ დაბადებული, მაგრამ მოედანზე „წითლებისადმი“ განსაკუთრებული მოწიწებით არასდროს გამოირჩეოდა. გასულ დეკემბერს, „ნიუკასლისა“ და „ლივერპულის“ შეხვედრაში („კაჭკაჭებმა“ მოიგეს 3:1) ის ფერნანდო ტორესს დაეჯახა, მანამდე კი, „ენფილდ როუდზე“ ბოლო ვიზიტის დროს, ჩაბი ალონსოს წინააღმდეგ უხეშობის გამო გააგდეს მოედნიდან.
თუმცა, ყოველივე ამის მიუხედავად, დალგლიშს მიაჩნია, რომ ბარტონი მის გუნდს ახალ სისხლს შემატებს და მოედნის სიღრმიდან 35 მილიონიან შენაძენ ენდი ქეროლს დაეხმარება - ქეროლი და ბარტონი, იანვრამდე, ერთად თამაშობდნენ „ნიუკასლში“. ბარტონის პასებით ქეროლმა „კაჭკაჭთა“ მაისურით 8 გოლი გაიტანა. ცნობისთვის: ბარტონს „სენტ ჯეიმსი’ზ პარკზე“ კონტრაქტი 2012 წლის ზაფხულამდე აკავშირებს.
