ინგლისის ჩემპიონ „მანჩესტერ იუნაიტედს“ მომავალი სეზონის დასაწყისი ნამდლივად კოშმარული აქვს. მიმომხილველები, რომლებიც 2011-12 წლების კალენდრის ანალიზს ცდილობენ, იხსენებენ, რომ სერ ალექს ფერგიუსონის გუნდი ტრადიციულად მძიმედ იწყებს და ასკვნიან, რომ მას ეს წლეულს, შესაძლოა, ძვირად დაუჯდეს - ერთია, როდესაც კალენდარი გინდობს და მეორე, როდესაც პირველივე ტურებში რთული ბრძოლები გელის. თუმცა, კომპიუტერმა მხოლოდ „იუნაიტედი“ როდი გაიმეტა. ასე მაგალითად, „ტოტენჰემი“ საწყის შვიდ შეხვედრაში ოთხ კონკურენტს ხვდება. როგორ შეხვდა ამ ამბავს „დეზების“ თავკაცი ჰარი რედნაპი?
„რაც მწვრთნელად ვმუშაობ, ასეთი რთული დასაწყისი მგონი არც კი
არც „არსენალს“ უდგას დალხენილი ცხოვრება. არსენ ვენგერის ხალხს, პირველ კვირებში, შიდა თუ საერთაშორისო ასპარეზზე ტყავიდან გამოძვრომა მოუწევთ.
მიმომხილველები წერენ, რომ გასულ ჩემპიონატში პრემიერლიგის ტიტულისთვის ბრძოლას, მაისიდან, სამი გუნდიღა შემორჩა - „მანჩესტერ იუნაიტედმა“ ჯილდო ბოლოსწინა ტურში დაისაკუთრა. ვითომ, მომავალში იგივე გამეორდება? ზოგი მიმოხილველი წერს, რომ ამჯერად, ბევრი რამ, შესაძლოა, გაცილებით ადრე გაირკვეს. ეს კი ძალიან იქნება დამოკიდებული იმაზე თუ როგორ ითამაშებს „ჩელსი“.
„ლურჯების“ მომავალ მწვრთნელ გუს ჰიდინკს შეხვედრათა შესანიშნავი განრიგი ერგო. ფაქტია: „მანჩესტერ იუნაიტედისა“ და „ჩელსის“ კალენდარი ორი რადიკალურად განსხვავებული რამ გახლავთ. ფერგიუსონის ბიჭებს პირველ ცხრა ტურში ხუთ კონკურენტთან ელის დაპირისპირება - თუმცა, რასაკვირველია, ყველაფერი პირობითია. ჯობს დავაყოლოთ, რომ ეს ხუთი გუნდი „იუნაიტედს“ მეტ-ნაკლებ კონკურენციას გასულ სეზონში უწევდნენ, თორემ ვინ იცის, მომავალ ჩემპიონატში რა მოხდება.
ჩემპიონი სეზონს 13 აგვისტოს, „ვესტ ბრომვიჩთან“ შეხვედრით იწყებს, მაგრამ შემდეგ, სანაკრებო შესვენებამდე, ზედიზედ მასპინძლობს „ტოტენჰემ ჰოთსპურსა“ და „არსენალს“. და როდის შეხვდება „იუნაიტედს“ „ჩელსი“? ეს თამაში 17 სექტემბერს „ოცნებათა თეატრში“ ანუ „ოლდ ტრეფორდზეა“ დანიშნული.
კიდევ ერთი ურთულესი მონაკვეთი სერ ალექსსა და მის ამალას ოქტომბრის შუაში აქვს. 15 ოქტომბერს მათ „ენფილდ როუდზე“ კენი დალგლიშის „ლივერპულთან“ ელით ურთიერთობის გარკვევა, შვიდ დღეში კი მანჩესტერული დერბია - შეხვედრას „იუნაიტედი“ მასპინძლობს.
ზემოთ „ტოტენჰემი“ ვახსენეთ და, სავარაუდოდ, ინგლისის ჩემპიონზე რთულ დღეში ის არის. „სფურზს“ პირველი თამაში „ევერტონთან“ აქვს (კაცმა რომ თქვას, არც ეს უნდა იყოს იოლი შეხვედრა), შემდეგ კი ზედიზედ ორ მანჩესტერულ გუნდთან უწევს ჭიდაობა: სტუმრად „იუნაიტედთან“ და შინ „სიტისთან“. 17 სექტემბერს რედნაპის შეგირდებს „უაით ჰართ ლეინზე“ „ლივერპული“ ჩააკითხავს, 1 ოქტომბერს კი ჩრდილოლონდონური დერბია - „არსენალი“ მოდის სტუმრად. ისევ რედნაპი:
„ამაზე რთული რა უნდა იყოს. „ევერტონი“ მებრძოლი გუნდია და მისი დამარცხება ყოველთვის ძნელია, მერე კი „ოლდ ტრეფორდზე“ „იუნაიტედთან“ გვიწევს შეხვედრა, რასაც კომენტარი არ სჭირდება. არც შინ „სიტისთან“ შეხვედრაა იოლი. თუმცა, საკითხს მეორენაირადაც შეიძლება შევხედოთ. ჩვენ დიდებული თამაშები გველის. ამაზე საინტერესო რაღა უნდა ინატროს გუნდმა. განსაკუთრებით, საშინაო შეხვედრებს ველი მოუთმენლად. გადაჭედილ „უაით ჰართ ლეინზე“ დიდი ამბები დატრიალდება“.
„არსენალი“, რომელსაც 2005 წლის შემდეგ ტიტული არ მოუგია, ორ ცეცხლს შორისაა. ერთი მხრივ პრემიერლიგა, მეორე მხრივ კი ჩემპიონთა ლიგის საკვალიფიკაციო შეხვედრები - ამბიციურ „მეთოფეებს“ ჯგუფურ ეტაპზე მოხვედრა სჭირდებათ.
ვენგერის ხალხს პირველი თამაში ნიუკასლში, „კაჭკაჭებთან“ ელით. ეს ის გუნდია, რომელთანაც „არსენალს“ გასულ სეზონში დაუვიწყარი ლაფსუსი მოუვიდა - 4:0-ს იგებდა და 4:4 დაამთავრა. შემდეგ კი ერთმანეთს მოსდევს ურთულესი თამაშები შინ „ლივერპულთან“ და სტუმრად „მანჩესტერ იუნაიტედთან“. არც ოქტომბერი ჩანს „მეთოფეთათვის“ იოლი: „ტოტენჰემთან“ თამაშზე ზემოთ მოგახსენეთ და ამას „ჩელსისთან“ ურთიერთობის გარკვევა ემატება.
ვერ გეტყვით, რამდენად შეიძლება ტიტულის კანდიდატი ვუწოდოთ „ლივერპულს“, მაგრამ თუ ჩავთვლით, რომ „კოპის მეფე კენი“ „წითლებს“ ოქროზე დაგეშავს, მაშინ მათ ცუდი კალენდარი არ აქვთ - ოქტომბრის ბოლომდე პოტენციურ კონკურენტთაგან მხოლოდ სამს, „არსენალს“ „სპურზსა“ და „იუნაიტედს“ ხვდება. პირველ დღეს მერსისაიდელები „სანდერლენდს“ ხვდებიან, მეორე ტურში კი „ემირეიტზე“ მიდიან არსენალთან ძალების შესამოწმებლად.
„წითლების“ კაპიტანი, სტივენ ჯერარდი ამბობს: „თუ პრეტენზია გაქვს, თავიდანვე ყოჩაღად უნდა დაიწყო. პირველ ტურებში ფეხის დაცდენა გამორიცხულია. მეორე მხრივ, „არსენალთან“ თამაში დიდი გამოცდაა. იმედი მაქვს, რომ მანამდე რამდენიმე ძლიერ ფეხბურთელს დავიმატებთ და „სანდერლენდთანვე“ გავიმარჯვებთ. პირველ ტურში მოგება „არსენალთან“ თამაშის წინ საკუთარი თავის რწმენას მოგვცემს“.
ბოლოს კი მესამე ადგილზე გასულ „მანჩესტერ სიტიზეც“ ვთქვათ: ისტლენდელები პირველ სამ თვეში ექვსეულის გუნდებს მხოლოდ ორჯერ ხვდებიან, თუმცა, კალენდარმა რობერტო მანჩინის გუნდს სხვა უხერხულობა მოუმზადა: ჩემპიონთა ლიგის ჯგუფური ეტაპის ყოველი თამაშის შემდეგ „სიტის“ პრემიერლიგაში გასვლა აქვს - შინ ვერ ბრუნდება ხეირიანად დასასვენებლად.
ინგლისი. პრემიერლიგა 2011-12
კალენდარი
I ტური. 13 აგვისტო
ბლექბერნი-ვულვზი
ფულჰემი-ასტონ ვილა
ლივერპული-სანდერლენდი
მანჩესტერ სიტი-სუონსი
ნიუკასლი-არსენალი
ქუინზ პარკი-ბოლტონი
სტოკი-ჩელსი
ტოტენჰემი-ევერტონი
ვესტ ბრომვიჩი-მანჩესტერ იუნ
ვიგანი-ნორვიჩი
II ტური. 20 აგვისტო
არსენალი-ლივერპული
ასტონ ვილა-ბლექბერნი
ბოლტონი-მანჩესტერ სიტი
ჩელსი-ვესტ ბრომვიჩი
ევერტონი-ქუინზ პარკი
მანჩესტერ იუნ-ტოტენჰემი
ნორვიჩი-სტოკი
სანდერლენდი-ნიუკასლი
სუონსი-ვიგანი
ვულვზი-ფულჰემი
III ტური. 27 აგვისტო
ასტონ ვილა-ვულვზი
ბლექბერნი-ევერტონი
ჩელსი-ნორვიჩი
ლივერპული-ბოლტონი
მანჩესტერ იუნ-არსენალი
ნიუკასლი-ფულჰემი
სუონსი-სანდერლენდი
ტოტენჰემი-მანჩესტერ სიტი
ვესტ ბრომვიჩი-სტოკი
ვიგანი-ქუინზ პარკი
IV ტური. 10 სექტემბერი
არსენალი-სუონსი
ბოლტონი-მანჩესტერ იუნ
ევერტონი-ასტონ ვილა
ფულჰემი-ბლექბერნი
მანჩესტერ სიტი-ვიგანი
ნორვიჩი-ვესტ ბრომვიჩი
ქუინზ პარკი-ნიუკასლი
სტოკი-ლივერპული
სანდერლენდი-ჩელსი
ვულვზი-ტოტენჰემი
V ტური. 17 სექტემბერი
ასტონ ვილა-ნიუკასლი
ბლექბერნი-არსენალი
ბოლტონი-ნორვიჩი
ევერტონი-ვიგანი
ფულჰემი-მანჩესტერ სიტი
მანჩესტერ იუნ-ჩელსი
სანდერლენდი-სტოკი
სუონსი-ვესტ ბრომვიჩი
ტოტენჰემი-ლივერპული
ვულვზი-ქუინზ პარკი
VI ტური. 24 სექტემბერი
არსენალი-ბოლტონი
ჩელსი-სუონსი
ლივერპული-ვულვზი
მანჩესტერ სიტი-ევერტონი
ნიუკასლი-ბლექბერნი
ნორვიჩი-სანდერლენდი
ქუინზ პარკი-ასტონ ვილა
სტოკი-მანჩესტერ იუნ
ვესტ ბრომვიჩი-ფულჰემი
ვიგანი-ტოტენჰემი
VII ტური. 1 ოქტომბერი
ასტონ ვილა-ვიგანი
ბლექბერნი-მანჩესტერ სიტი
ბოლტონი-ჩელსი
ევერტონი-ლივერპული
ფულჰემი-ქუინზ პარკი
მანჩესტერ იუნ-ნორვიჩი
სანდერლენდი-ვესტ ბრომვიჩი
სუონსი-სტოკი
ტოტენჰემი-არსენალი
ვულვზი-ნიუკასლი
VIII ტური. 15 ოქტომბერი
არსენალი-სანდერლენდი
ჩელსი-ევერტონი
ლივერპული-მანჩესტერ იუნ
მანჩესტერ სიტი-ასტონ ვილა
ნიუკასლი-ტოტენჰემი
ნორვიჩი-სუონსი
ქუინზ პარკი-ბლექბერნი
სტოკი-ფულჰემი
ვესტ ბრომვიჩი-ვულვზი
ვიგანი-ბოლტონი
IX ტური. 22 ოქტომბერი
არსენალი-სტოკი
ასტონ ვილა-ვესტ ბრომვიჩი
ბლექბერნი-ტოტენჰემი
ბოლტონი-სანდერლენდი
ფულჰემი-ევერტონი
ლივერპული-ნორვიჩი
მანჩესტერ იუნ-მანჩესტერ სიტი
ნიუკასლი-ვიგანი
ქუინზ პარკი-ჩელსი
ვულვზი-სუონსი
X ტური. 29 ოქტომბერი
ჩელსი-არსენალი
ევერტონი-მანჩესტერ იუნ
მანჩესტერ სიტი-ვულვზი
ნორვიჩი-ბლექბერნი
სტოკი-ნიუკასლი
სანდერლენდი-ასტონ ვილა
სუონსი-ბოლტონი
ტოტენჰემი-ქუინზ პარკი
ვესტ ბრომვიჩი-ლივერპული
ვიგანი-ფულჰემი
XI ტური. 5 ნოემბერი
არსენალი-ვესტ ბრომვიჩი
ასტონ ვილა-ნორვიჩი
ბლექბერნი-ჩელსი
ბოლტონი-სტოკი
ფულჰემი-ტოტენჰემი
ლივერპული-სუონსი
მანჩესტერ იუნ-სანდერლენდი
ნიუკასლი-ევერტონი
ქუინზ პარკი-მანჩესტერ სიტი
ვულვზი-ვიგანი
XII ტური. 19 ნოემბერი
ჩელსი-ლივერპული
ევერტონი-ვულვზი
მანჩესტერ სიტი-ნიუკასლი
ნორვიჩი-არსენალი
სტოკი-ქუინზ პარკი
სანდერლენდი-ფულჰემი
სუონსი-მანჩესტერ იუნ
ტოტენჰემი-ასტონ ვილა
ვესტ ბრომვიჩი-ბოლტონი
ვიგანი-ბლექბერნი
XIII ტური. 26 ნოემბერი
არსენალი-ფულჰემი
ბოლტონი-ევერტონი
ჩელსი-ვულვზი
ლივერპული-მანჩესტერ სიტი
მანჩესტერ იუნ-ნიუკასლი
ნორვიჩი-ქუინზ პარკი
სტოკი-ბლექბერნი
სანდერლენდი-ვიგანი
სუონსი-ასტონ ვილა
ვესტ ბრომვიჩი-ტოტენჰემი
XIV ტური. 3 დეკემბერი
ასტონ ვილა-მანჩესტერ იუნ
ბლექბერნი-სუონსი
ევერტონი-სტოკი
ფულჰემი-ლივერპული
მანჩესტერ სიტი-ნორვიჩი
ნიუკასლი-ჩელსი
ქუინზ პარკი-ვესტ ბრომვიჩი
ტოტენჰემი-ბოლტონი
ვიგანი-არსენალი
ვულვზი-სანდერლენდი
XV ტური. 10 დეკემბერი
არსენალი-ევერტონი
ბოლტონი-ასტონ ვილა
ჩელსი-მანჩესტერ სიტი
ლივერპული-ქუინზ პარკი
მანჩესტერ იუნ-ვულვზი
ნორვიჩი-ნიუკასლი
სტოკი-ტოტენჰემი
სანდერლენდი-ბლექბერნი
სუონსი-ფულჰემი
ვესტ ბრომვიჩი-ვიგანი
XVI ტური. 17 დეკემბერი
ასტონ ვილა-ლივერპული
ბლექბერნი-ვესტ ბრომვიჩი
ევერტონი-ნორვიჩი
ფულჰემი-ბოლტონი
მანჩესტერ სიტი-არსენალი
ნიუკასლი-სუონსი
ქუინზ პარკი-მანჩესტერ იუნ
ტოტენჰემი-სანდერლენდი
ვიგანი-ჩელსი
ვულვზი-სტოკი
XVII ტური. 20 დეკემბერი
ტოტენჰემი-ჩელსი
ვიგანი-ლივერპული
ვულვზი-ნორვიჩი
ქუინზ პარკი-სანდერლენდი
ასტონ ვილა-არსენალი
მანჩესტერ სიტი-სტოკი
ნიუკასლი-ვესტ ბრომვიჩი
ბლექბერნი-ბოლტონი
ევერტონი-სუონსი
ფულჰემი-მანჩესტერ იუნ
XVIII ტური. 26 დეკემბერი
არსენალი-ვულვზი
ბოლტონი-ნიუკასლი
ჩელსი-ფულჰემი
ლივერპული-ბლექბერნი
მანჩესტერ იუნ-ვიგანი
ნორვიჩი-ტოტენჰემი
სტოკი-ასტონ ვილა
სანდერლენდი-ევერტონი
სუონსი-ქუინზ პარკი
ვესტ ბრომვიჩი-მანჩესტერ სიტი
XIX ტური. 31 დეკემბერი
არსენალი-ქუინზ პარკი
ბოლტონი-ვულვზი
ჩელსი-ასტონ ვილა
ლივერპული-ნიუკასლი
მანჩესტერ იუნ-ბლექბერნი
ნორვიჩი-ფულჰემი
სტოკი-ვიგანი
სანდერლენდი-მანჩესტერ სიტი
სუონსი-ტოტენჰემი
ვესტ ბრომვიჩი-ევერტონი
XX ტური. 2 იანვარი
ასტონ ვილა-სუონსი
ბლექბერნი-სტოკი
ევერტონი-ბოლტონი
ფულჰემი-არსენალი
მანჩესტერ სიტი-ლივერპული
ნიუკასლი-მანჩესტერ იუნ
ქუინზ პარკი-ნორვიჩი
ტოტენჰემი-ვესტ ბრომვიჩი
ვიგანი-სანდერლენდი
ვულვზი-ჩელსი
XXI ტური. 14 იანვარი
ასტონ ვილა-ევერტონი
ბლექბერნი-ფულჰემი
ჩელსი-სანდერლენდი
ლივერპული-სტოკი
მანჩესტერ იუნ-ბოლტონი
ნიუკასლი-ქუინზ პარკი
სუონსი-არსენალი
ტოტენჰემი-ვულვზი
ვესტ ბრომვიჩი-ნორვიჩი
ვიგანი-მანჩესტერ სიტი
XXII ტური. 21 იანვარი
არსენალი-მანჩესტერ იუნ
ბოლტონი-ლივერპული
ევერტონი-ბლექბერნი
ფულჰემი-ნიუკასლი
მანჩესტერ სიტი-ტოტენჰემი
ნორვიჩი-ჩელსი
ქუინზ პარკი-ვიგანი
სტოკი-ვესტ ბრომვიჩი
სანდერლენდი-სუონსი
ვულვზი-ასტონ ვილა
XXIII ტური. 31 იანვარი
სანდერლენდი-ნორვიჩი
სუონსი-ჩელსი
ტოტენჰემი-ვიგანი
ვულვზი-ლივერპული
ბოლტონი-არსენალი
მანჩესტერ იუნ-სტოკი
ასტონ ვილა-ქუინზ პარკი
ბლექბერნი-ნიუკასლი
ევერტონი-მანჩესტერ სიტი
ფულჰემი-ვესტ ბრომვიჩი
XXIV ტური. 4 თებერვალი
არსენალი-ბლექბერნი
ჩელსი-მანჩესტერ იუნ
ლივერპული-ტოტენჰემი
მანჩესტერ სიტი-ფულჰემი
ნიუკასლი-ასტონ ვილა
ნორვიჩი-ბოლტონი
ქუინზ პარკი-ვულვზი
სტოკი-სანდერლენდი
ვესტ ბრომვიჩი-სუონსი
ვიგანი-ევერტონი
XXV ტური. 11 თებერვალი
ასტონ ვილა-მანჩესტერ სიტი
ბლექბერნი-ქუინზ პარკი
ბოლტონი-ვიგანი
ევერტონი-ჩელსი
ფულჰემი-სტოკი
მანჩესტერ იუნ-ლივერპული
სანდერლენდი-არსენალი
სუონსი-ნორვიჩი
ტოტენჰემი-ნიუკასლი
ვულვზი-ვესტ ბრომვიჩი
XXVI ტური. 25 თებერვალი
არსენალი-ტოტენჰემი
ჩელსი-ბოლტონი
ლივერპული-ევერტონი
მანჩესტერ სიტი-ბლექბერნი
ნიუკასლი-ვულვზი
ნორვიჩი-მანჩესტერ იუნ
ქუინზ პარკი-ფულჰემი
სტოკი-სუონსი
ვესტ ბრომვიჩი-სანდერლენდი
ვიგანი-ასტონ ვილა
XXVII ტური. 3 მარტი
ბლექბერნი-ასტონ ვილა
ფულჰემი-ვულვზი
ლივერპული-არსენალი
მანჩესტერ სიტი-ბოლტონი
ნიუკასლი-სანდერლენდი
ქუინზ პარკი-ევერტონი
სტოკი-ნორვიჩი
ტოტენჰემი-მანჩესტერ იუნ
ვესტ ბრომვიჩი-ჩელსი
ვიგანი-სუონსი
XXVIII ტური. 10 მარტი
არსენალი-ნიუკასლი
ასტონ ვილა-ფულჰემი
ბოლტონი-ქუინზ პარკი
ჩელსი-სტოკი
ევერტონი-ტოტენჰემი
მანჩესტერ იუნ-ვესტ ბრომვიჩი
ნორვიჩი-ვიგანი
სანდერლენდი-ლივერპული
სუონსი-მანჩესტერ სიტი
ვულვზი-ბლექბერნი
XXIX ტური. 17 მარტი
ასტონ ვილა-ბოლტონი
ბლექბერნი-სანდერლენდი
ევერტონი-არსენალი
ფულჰემი-სუონსი
მანჩესტერ სიტი-ჩელსი
ნიუკასლი-ნორვიჩი
ქუინზ პარკი-ლივერპული
ტოტენჰემი-სტოკი
ვიგანი-ვესტ ბრომვიჩი
ვულვზი-მანჩესტერ იუნ
XXX ტური. 24 მარტი
არსენალი-ასტონ ვილა
ბოლტონი-ბლექბერნი
ჩელსი-ტოტენჰემი
ლივერპული-ვიგანი
მანჩესტერ იუნ-ფულჰემი
ნორვიჩი-ვულვზი
სტოკი-მანჩესტერ სიტი
სანდერლენდი-ქუინზ პარკი
სუონსი-ევერტონი
ვესტ ბრომვიჩი-ნიუკასლი
XXXI ტური. 31 მარტი
ასტონ ვილა-ჩელსი
ბლექბერნი-მანჩესტერ იუნ
ევერტონი-ვესტ ბრომვიჩი
ფულჰემი-ნორვიჩი
მანჩესტერ სიტი-სანდერლენდი
ნიუკასლი-ლივერპული
ქუინზ პარკი-არსენალი
ტოტენჰემი-სუონსი
ვიგანი-სტოკი
ვულვზი-ბოლტონი
XXXII ტური. 7 აპრილი
არსენალი-მანჩესტერ სიტი
ბოლტონი-ფულჰემი
ჩელსი-ვიგანი
ლივერპული-ასტონ ვილა
მანჩესტერ იუნ-ქუინზ პარკი
ნორვიჩი-ევერტონი
სტოკი-ვულვზი
სანდერლენდი-ტოტენჰემი
სუონსი-ნიუკასლი
ვესტ ბრომვიჩი-ბლექბერნი
XXXIII ტური. 9 აპრილი
ასტონ ვილა-სტოკი
ბლექბერნი-ლივერპული
ევერტონი-სანდერლენდი
ფულჰემი-ჩელსი
მანჩესტერ სიტი-ვესტ ბრომვიჩი
ნიუკასლი-ბოლტონი
ქუინზ პარკი-სუონსი
ტოტენჰემი-ნორვიჩი
ვიგანი-მანჩესტერ იუნ
ვულვზი-არსენალი
XXXIV ტური. 14 აპრილი
არსენალი-ვიგანი
ბოლტონი-ტოტენჰემი
ჩელსი-ნიუკასლი
ლივერპული-ფულჰემი
მანჩესტერ იუნ-ასტონ ვილა
ნორვიჩი-მანჩესტერ სიტი
სტოკი-ევერტონი
სანდერლენდი-ვულვზი
სუონსი-ბლექბერნი
ვესტ ბრომვიჩი-ქუინზ პარკი
XXXV ტური. 21 აპრილი
არსენალი-ჩელსი
ასტონ ვილა-სანდერლენდი
ბლექბერნი-ნორვიჩი
ბოლტონი-სუონსი
ფულჰემი-ვიგანი
ლივერპული-ვესტ ბრომვიჩი
მანჩესტერ იუნ-ევერტონი
ნიუკასლი-სტოკი
ქუინზ პარკი-ტოტენჰემი
ვულვზი-მანჩესტერ სიტი
XXXVI ტური. 28 აპრილი
ჩელსი-ქუინზ პარკი
ევერტონი-ფულჰემი
მანჩესტერ სიტი-მანჩესტერ იუნ
ნორვიჩი-ლივერპული
სტოკი-არსენალი
სანდერლენდი-ბოლტონი
სუონსი-ვულვზი
ტოტენჰემი-ბლექბერნი
ვესტ ბრომვიჩი-ასტონ ვილა
ვიგანი-ნიუკასლი
XXXVII ტური. 5 მაისი
არსენალი-ნორვიჩი
ასტონ ვილა-ტოტენჰემი
ბლექბერნი-ვიგანი
ბოლტონი-ვესტ ბრომვიჩი
ფულჰემი-სანდერლენდი
ლივერპული-ჩელსი
მანჩესტერ იუნ-სუონსი
ნიუკასლი-მანჩესტერ სიტი
ქუინზ პარკი-სტოკი
ვულვზი-ევერტონი
XXXVIII ტური. 13 მაისი
ჩელსი-ბლექბერნი
ევერტონი-ნიუკასლი
მანჩესტერ სიტი-ქუინზ პარკი
ნორვიჩი-ასტონ ვილა
სტოკი-ბოლტონი
სანდერლენდი-მანჩესტერ იუნ
სუონსი-ლივერპული
ტოტენჰემი-ფულჰემი
ვესტ ბრომვიჩი-არსენალი
ვიგანი-ვულვზი
ყოველდღიური სპორტული გაზეთი "ლელო"
