„ბოლტონის“ ცენტრალური მცველი, 25 წლის ინგლისელი გერი კეჰილი 17 მილიონი ფუნტი ღირს და მისი შეძენა „ტოტენჰემ ჰოთსპურს“ უნდა. „დეზების“ თავკაცი ჰარი რედნაპი „ასტონ ვილას“ ყოფილი ფეხბურთელის დიდი თაყვვანისმცემელია. რედნაპს მისი გადაბირება ჯერ კიდევ იანვრის სატრანსფერო ბაზრობის დროს უნდოდა, მაგრამ კეჰილს სხვა თაყვანისმცემლებიც ჰყავს. კერძოდ, ინგლისის ნაკრების მოთამაშის შეძენით „არსენალი“ და „მანჩესტერ სიტი“ არიან დაინტერესებული. „დეზებს“ „არსენალთან“ კონკურენცია ასე თუ ისე კიდევ შეუძლიათ, უმდიდრეს ისტლენდელებს კი მოდი და თუ ბიჭი ხარ, გაუწიე წინააღმდეგობა.
„ბოლტონს“ დღეისათვის 90 მილიონი ფუნტი ვალად აწევს და
„სანამ რომელიმე კლუბი წინადადებით მოგვმართავს, ჯობს კარგად დაფიქრდეს, რამდენად სწორად აფასებს გერი კეჰილს. შემიძლია დაგარწმუნოთ, რომ ამ მცველს იაფად ნამდვილად არ გავყიდით. გერი ის ფეხბურთელია, რომელიც ნებისმიერ გუნდს გააძლიერებს და, მართალი გითხრათ, როდესაც ვუყურებ რა ხდება დღეს სატრანსფერო ბაზარზე, მიკვირს, ამდენ ხანს მის გამო კალთებს რატომ არ გვახევენ“.
რედნაპი, თავის მხრივ, მზად არის, ხურდაში ნებისმიერ გუნდს სებასტიან ბასონგი მისცეს. ის 24 წლის კამერუნელი მცველი გახლავთ. კიდევ, არის 20 წლის ინგლისელი დენი როუზის ერთი წლით მიქირავების ვარიანტიც. როუზი „ტოტენჰემს“ კი ეკუთვნის, მაგრამ 2009 წლის შემდეგ გაქირავებულია, ხან „უოტფორდში“, ხან „პიტერბოროში“ და ხანაც „ბრისტოლ სიტიში“.
ყოველდღიური სპორტული გაზეთი "ლელო"
