„არსენალის“ 23 წლის ნახევარმცველ ალექს სონგს კამერუნში, ერთ-ერთ ბარში, სტუდენტის ცემაში ედება ბრალი. ამბობენ, თითქოს, მშობლიურ ქალაქ დუალაში, შვებულებაში ყოფნის დროს, სონგმა ვიღაც ყმაწვილკაცი დაუნდობლად გალახა. საინტერესოა, რომ სონგი ამ ჩხუბის გამო არც დაუკავებიათ და არც 18 აგვისტოს დანიშნულ სასამართლო პროცესზე ავალდებულებენ დასწრებას, მაგრამ თუ დადგინდება, რომ დამნაშავე იყო, ორ წელიწადს მიუსჯიან.
საკუთრივ ფეხბურთელი, ცხადია, ამბობს, რომ სტუდენტ ლუდოვიკ აქილ მოუაჰას არც კი შეხებია, თუმცა დაზარალებულის წინასწარი ჩვენება ასეთია:
„ბარში მეგობარ გოგონასთან ერთად ვიყავი. ის საპირფარეშოში გავიდა, მაგრამ, როდესაც 15
სონგის წარმომადგენელმა კი სამართალდამცავებს ასეთი ვერსია შესთავაზა:
„სონგს ფანები გამუდმებით სთხოვენ ავტოგრაფს. მათ შორის ბევრი ახალგაზრდა ქალია. ჩვენი საქმის მოსარჩლემ ჩხუბი გამოიწვია, რაზეც ალექსის დაცვამ რეაგირება მოახდინა. პირადად ალექსს მისთვის თითიც არ დაუკარებია“.
ყოველდღიური სპორტული გაზეთი "ლელო"
