„მანჩესტერ სიტის“ იტალიელი თავდამსხმელი, 20 წლის მარიო ბალოტელი ამჯერად „დანის მოწინააღმდეგეთა“ საზოგადოების წევრებმა შერისხეს - ფორვარდი ბაზაზე გამოცხადდა მაისურით, რომელზეც მთელი არსენალი იყო გამოსახული. საინტერესოა: ბალოტელიმ გასული სეზონი სკანდალით დაასრულა და აი, ახალიც სკანდალით დაიწყო. მართლაც უცნაურია, რატომ უნდა მოგინდეს ადამიანს, ჩაიცვა მაისური, რომელსაც ახატია პისტოლეტი, ავტომატი, დანა და გოგონას სისხლით მოთხვრილი ბაგე. ინგლისში მოკლული ნიგერიელი ბიჭუნას დიამოლა ტეილორის სახელობის ფონდის დირექტორმა გერი ტროუსდეილმა თქვა:
„ასეთი საქციელი დასაგმობია, მაგრამ გასაკვირი არ არის. დიდი ხანი არ გასულა მას მერე, რაც ჩვენ
ამ ახალგაზრდებს ენითაუწერელ ხელფასებს უხდიან. მათი თამაშის სანახავად ათასობით ადამიანი ფულს ვიხდით და სწორედ ჩვენი ჯიბიდან გასული თანხა ჩადის მათ ჯიბეებში. ამიტომ, ძალადობისკენ მაინც ნუ მოუწოდებენ სხვებს. მოკლედ, ზემოთაც გითხარით, რომ ბალოტელის ქცევაში არაფერი გამკვირვებია, თუმცა ერთი შეკითხვა მაქვს: სად არის და რას აკეთებს ძალადობასთან ბრძოლის მიმართულებით ამ ფეხბურთელების კავშირის შეფი გორდონ ტეილორი?“
ბალოტელისთან დაკავშირებით კი უამრავი ამბის გახსენება შეიძლება. მაგალითად, შარშან, ინგლისში გამგზავრების წინ, ის მილანის ცენტრში პოლიციამ სათამაშო პისტოლედინან სროლისთვის დააკავა. შემდეგ, „სიტის“ საწვრთნელ ცენტრში მან, ყმაწვილთა გუნდის ერთ-ერთ ფეხბურთელს დართსის „ტყვიის“ სროლა დაუწყო. ამ ზაფხულს, შვებულების დღეებში, ბალოტელი ნეაპოლში ადგილობრივი „კამორას“ (დანაშაულებრივი ორგანიზაციაა, იგივე, რასაც სიცილიაზე „მაფიას“ უწოდებენ) ერთ-ერთ ხელმძღვანელს ესტუმრა და პატივი მიაგო. მოედანზე ჩადენილ სისულელეებს კი აქ აღარ ჩამოვთვლით.
იტალიის ფეხბურთის ასოციაციამ განური წარმოშობის იტალიელი ნაკრებიდან მოკვეთა და ყოფაქცევის გამოსწორება მოსთხოვა.
ყოველდღიური სპორტული გაზეთი "ლელო"
