„არსენალის“ მწვრთნელი, არსენ ვენგერი ბარსელონელი ვარსკვლავის, ჩავის ნათქვამმა გააბრაზა. ჩავის თავისი კლუბის ოფიციალურ ვებ-გვერდზე უთქვამს სესკ ფაბრეგასი „მეთოფეებთან“ იტანჯებაო. ჩრდილო ლონდონელთა თავკაცმა განაცხადა:„თუ ჩავიმ მართლა ასე თქვა, ეს მისი მხრიდან დიდი უპატივცემულობაა. თან, ეს ფეხბურთელი ამ დამოკიდებულებას პირველად არ ამჟღავნებს. „არსენალის“ წინააღმდეგ ის ადრეც გამოსულა. თუმცა, ფაბრეგასის ისტორიაში მთავარი ის კი არ არის, ვინ რა თქვა, არამედ ის, რომ სესკს ჩვენთან კონტრაქტი აკავშირებს და ჩვენ მისი შენარჩუნება გვინდა“.
რაც შეეხება ესპანეთის ნაკრებისა და „ბარსელონას“ ნახევარმცველის ნათქვამს, ის ასეთი გახლდათ:
„ბარსელონას“ საკუთარი სკოლის აღზრდილის, 24 წლის ფაბრეგასის ყიდვა შესაძლოა ასე ძალიან იმიტომაც უნდა, რომ ჩავი უკვე 31 წლისაა და, თანდათანობით, კარიერის განმავლობაში მიღებული ტრავმები მეტად და მეტად აწუხებს. კატალონიელებმა „არსენალს“ სესკის სანაცვლოდ 31,6 მილიონი ფუნტი (35,8 მილიონი ევრო) შესთავაზეს, თუმცა ჩრდილოლონდონელები 40 მილიონი ფუნტიდან (45,3 მილიონი ევრო) ფეხს არ იცვლიან.
ყოველდღიური სპორტული გაზეთი "ლელო"
