29 წლის მეტ ტეილორმა „ბოლტონი“ დასტოვა და „ვესტ ჰემში“ გადავიდა, მაგრამ დაიბარა, ერთ წელიწადში ისევ პრემიერლიგაში მნახავთო. ტეილორმა ზუსტად იგივე გააკეთა, რაც „ნიუკასლის“ კაპიტანმა, კევინ ნოლანმა და „სტოკის“ მცველმა, აბდულა ფაიემ, რომელთაც თავიანთი პრემიერლიგის კლუბები დასტოვეს და ჩემპიონშიპში გავარდნილ „ჩაქუჩებს“ შეუერთდნენ. ტეილორმა „ვესტ ჰემის“ ოფიციალურ საიტს ინტერვიუ მისცა, სადაც განაცხადა:
„შანსი მეძლევა ფეხბურთი ფანტასტიკურ კლუბში ვითამაშო. „ვესტ ჰემი“ უდიდესი წარსულისა და მემკვიდრეობის მქონე კლუბია. „აპტონ პარკზე“ გადასვლა ჩემთვის დიდი გამოწვევაა, რომელსაც ვიღებ და იმედი მაქვს, რომ აქ, რაიმე განსაკუთრებულს მივაღწევ.
ტეილორის „აპტონ პარკზე“ გადაყვანის საქმეში უდიდესი როლი „ბოლტონის“ ყოფილმა თავკაცმა, სემ ელერდაისმა ითამაშა, რომელიც დღეს „ვესტ ჰემს“ უდგას სათავეში.
ყოველდღიური სპორტული გაზეთი "ლელო"
