"ვესტ ჰემი" "ტოტენჰემ ჰოთსპურის" წინააღმდეგ საქმის აღძვრას აპირებს. აღმოსავლეთ ლონდონში ეჭვი აქვთ, რომ ჩრდილოლონდონელებმა კერძო დეტექტივი დაიქირავეს, რომელმაც მათ საბანკო და ტელეფონის ნომრები მოჰპარა. "ჩაქუჩებს", მათივე თქმით, ამ საკითხთან დაკავშირებით პოლიციასთან უკვე ულაპარაკიათ და, სავარაუდოდ, ახლა გამოძიება დაიწყება. ვაი, მას ვინც დამნაშავე აღმოჩნდებაო, თქვეს "აპტონ პარკზე".გაზეთი "სანი" იუწყება, რომ რამდენადაც მისთვის ცნობილი გახდა, "ვესტ ჰემის" წარმომადგენლებმა თვით "ტოტენჰემშიც" დარეკეს და თავიანთ გადაწყვეტილებასთან დაკავშირებით "დეზების" უფროსობა გააფრთხილეს.
ახლა იმას მოგახსენებთ, რა აქვთ "ვესტ ჰემსა" და "ტოტენჰემს" გასაყოფი. ლაპარაკია ლონდონის 80
"ვესტ ჰემის" მიერ გავრცელებულ ოფიციალურ განცხადებაში წერია: "ჩვენმა კლუბმა შეატყობინა პოლიციას მავანი კერძო დეტექტივის შესახებ, რომელიც კანონის დარღვევით მოქმედებდა და, სავარაუდოდ, "ტოტენჰემ ჰოთსპურს" ჰყავდა დაქირავებული. "ვესტ ჰემში" ამ ამბავს ძალიან დიდი სერიოზულობით მივუდექით, მითუმეტეს, რომ ლაპარაკია სერიოზულ კანონდარღვევაზე, კერძოდ კი პირადი ინფორმაციის უკანონოდ მოპოვებაზე. როგორც ირკვევა დეტექტივმა ხელთ ჩაიგდო როგორც ჩვენი კლუბის ასევე Olympic Park Legacy Company-ს წევრთა საბანკო ანგარიშები და ტელეფონის ნომრები. თუ ეს დამტკიცდება, აშკარა გახდება, რომ საქმე გვაქვს კრიმინალთან, რომელიც ჩვენს ქვეყანაში მკაცრად იზრდება".
"ვესტ ჰემის" ზოგ მაღალჩინოსანს ეჭვი აქვს, რომ მათ საუბრებს გასული წლის სექტემბერში, სტადინოის შეძენასთან დაკავშირებული განაცხადების შეტანამდე უსმენდნენ. თუმცა, აქვე შეგახსენებთ, რომ "ჩაქუჩების" ეს ნაბიჯი გაღმა შედავებაა, რადგან არის საფუძვლიანი ეჭვი, რომ სტადიონი მათ ქრთამის დახმარებით ერგოთ. ასახელებენ Olympic Park Legacy Company-ის წევრს, ქალბატონ დონი ნაითს, რომელმაც, თითქოსდა, 20 400 ფუნტი აიღო. გარდა ამისა, ამბობენ, რომ ქალბატონი ნაითი "ვესტ ჰემის" დირექტორის იან ტომპკინსის საყვარელი იყო. სანამ ამ საქმესთან დაკავშირებით გამოძიება მიმდინარეობს, ტომპკინსი საქმეებიდან ჩამოცილებულია.
ყოველდღიური სპორტული გაზეთი "ლელო"
