ელ ჰაჯი დიუფი გაბრაზებულია. ის ვერ შეგუებია, რომ „ბლექბერნის“ მწვრთნელი სტივ კინი ძირითად შემადგენლობაში აღარ ათამაშებს და შოტლანდიელ სპეციალისტს რაც ძალა და ღონე აქვს, ლანძღავს. არადა, დიუფი მართლა ცუდ დღეშია. სენეგალელი ცუდი ბიჭი „ბლექბერნის“ მთავარი გუნდიდან გააგდეს და უთხრეს აქ შენი ფეხი აღარ იქნებაო. „ლივერპულისა“ და „ბოლტონის“ ყოფილი მოთამაშე, რომელიც დღეს 30 წლისაა, ასეთ დამოკიდებულებას ვერ შეგუებია.„აქ, „ივუდ პარკზე“ ჩამოსვლა და ფეხბურთის თამაში არავის უხაროდა, ამ ბოლო დროს კი ყველაფერი პირიქით არის. საქმე ის გახლავთ, რომ ადრე ჩვენ საკუთარი
დიუფი ამბობს, რომ კინი დეკემბრის მერე პიროვნულად შეიცვალა. რა მოხდა დეკემბერში? ის გუნდის ერთ-ერთი მწვრთნელის თანამდებობიდან მთავარ მწვრთნელად ანუ, ინგლისურად რომ ვთქვათ მენეჯერად გადაიყვანეს. მანამდე „ბლექბერნს“ სემ ელერდაისი ხელმძღვანელობდა. დიუფი ეჭვობს, რომ კინმა ის სწორედ ელერდაისთან განსაკუთრებული ურთიერთობის გამო აითვალწუნა.
„როდესაც ჩვეულებრივი მწვრთნელი იყო ყოველთვის მელაპარაკებოდა, მეუბნებოდა, რომ მე კლუბის საუკეთესო ფეხბურთელი ვარ. შემდეგ ის მენეჯერი გახდა და დამოკიდებულება მკვეთრად შეცვალა. ვფიქრობ, მას სემ ელერდაისთან ჰქონდა პრობლემა და მასთან მტრობა ჩემზე გადმოიტანა“.
ყოველდღიური სპორტული გაზეთი "ლელო"
