23 წლის დანიელ თავდამსხმელ ნიკლას ბენდტნერს ერთიხანობა ევროპის ერთ-ერთ საუკეთესო ახალგაზრდა ფორვარდად მიიჩნევდნენ და ამბობდნენ, რომ მისი სახით საფეხბურთო ზეცაზე ახალი ვარსკვლავი გამოჩნდა, მაგრამ... ბენდტნერის საქმე ისე წავიდა, რომ ბოლო ორი სეზონია „არსენალის“ თავკაც არსენ ვენგერს ძირითად შემადგენლობაში ხეირიანად აღარც უთამაშებია და 31 აგვისტოს ანუ საზაფხულო სატრანსფერო ბაზრის ბოლო დღეს, „სანდერლენდში“ გაყიდა კიდეც. ფეხბურთელი ამას ორი წლის წინ მომხდარი ავტოავარიით ხსნის. თუ გახსოვთ, მაშინ, ბენდტნერის „ასტონ მარტინი“, ტრასაზე, სავალი ნაწილიდან გადავიდა და გზისპირა რელიეფში დაიმტვრა. მაშინ წერდნენ, რომ მანქანა გადასაგდები
„ცხოვრებაში არ დავბრუნდები „არსენალში“. რა გინდა შანსი გამომიჩნდეს, ამ გუნდის მაისურას არ ჩავიცვამ. ავარიის შემდეგ ძირითად შემადგენლობაში დამკვიდრების ერთი შანსიც კი არ მოუციათ ჩემთვის. დამივიწყეს და დამივიწყეს. იმ ამბიდან წელიწადნახევარი გავიდა. წარმოგიდგენიათ, ამდენ ხანში ერთხელ რომ არ გენდობიან? ერთხელ რომ არ შეგიწყობენ ხელს?
ახლა „სანდერლენდში“ გადავედი და ძალიან მოწადინებული ვარ. მინდა „შავი კატების“ გამარჯვებებში მონაწილეობა მივიღო, შემდეგ ზაფხულს კი შევხედავ, როგორ განვითარდება მოვლენები. ალბათ, ახალ გუნდს მოვძებნი, მაგრამ „არსენალში“ არასდროს რომ არ დავბრუნდები, ეს მტკიცედ მაქვს გადაწყვეტილი“.
ყოველდღიური სპორტული გაზეთი "ლელო"
