"მანჩესტერ სიტის" თავკაცმა, რობერტო მანჩინიმ თქვა, რომ მისმა გუნდმა "ფულჰემთან" 2:0 უპირატესობა ხელიდან არასაკმარისად ძლიერი შემადგენლობის გამო გაუშვა - იტალიელის აზრით ისტლენდელებს კიდევ მართებთ ფეხბურთელების ყიდვა. შეგახსენებთ, რომ "სიტის" არაბმა მეპატრონეებმა ბოლო სამ წელიწადში, ფეხბურთელებში 300 მილიონი ფუნტი დახარჯეს. დავაზუსტოთ: 300 მილიონი ფუნტი 473,5 მილიონი ამერიკული დოლარი ან 344,1 მილიონი ევროა.
მანჩინიმ თქვა: "დღეს ჩვენ ფეხბურთელები გვაკლია. მე მხოლოდ განაპირა მცველებისა და თავდამსხმელების შეცვლა და დასვენება შემიძლია. ნახევარდაცვაში კი შეხედეთ, რა ხდება: ჯეიმს მილნერი და ნაიჯელ დე იონგი დაშავებულები არიან,
ისტლენდელები ხუთი ტურის შემდეგ პრემიერლიგის ცხრილში მეორე ადგილზე რჩებიან, არადა, შეეძლოთ ლიდერთან, "იუნაიტედთან" თანაბრად ყოფილიყვნენ. როგორც ზემოთ მოგახსენეთ, "სიტი" "ფულჰემს" ლონდონში 2:0-ს უგებდა, მაგრამ უპირატესობა ხელიდან გაუშვა - ბობი ზამორამ და დენი მერფიმ გაქვითეს.
მანჩინიმ დასძინა: "როდესაც 2:0-ს იგებ და მოწინააღმდეგე ანგარიშს გითანაბრებს, ისეთი შთაბეჭდილება გექმნება, თითქოს დამარცხდი. 60 წუთის განმავლობაში სრულ უპირატესობას ვფლობდით, მაგრამ "ფულჰემმა" ორი გოლი გაგვიტანა.
როგორც ჩანს სერიოზული პრობლემის წინაშე ვდგავართ. ლონდონელებმა 10-15 წუთის განმავლობაში ძალიან კარგი ფეხბურთი ითამაშეს მაგრამ ჩვენნაირ ტოპ-გუნდს მეტი მოეთხოვება. ისეთი დონის გუნდი, როგორიც "სიტია", შეხვედრას მეტად უნდა აკონტროლებდეს.
ჩვენ სულელური გოლები გავუშვით. არადა, ინგლისში ყველა თამაში ასეთია. პრემიერლიგაში არ არსებობს გუნდი, რომელიც 2:0 ჩამორჩენის გამო ბრძოლას წყვეტს. ყველა ფეხბურთელი ვალდებულია მეტოქის შეტევათა ჩაშლაში მონაწილეობა მიიღოს. 10 წუთის განმავლობაში 5-6 კაცით დაცვაზე გადავედით და დავისაჯეთ. როგორც ჩანს ჩემმა ფეხბურთელებმა ჩათვალეს, რომ თამაში უკვე მოგებული ჰქონდათ".
მოგეხსენებათ, ისტლენდელთაგან ორივე გოლი არგენტინელმა ახალწვეულმა, 23 წლის სერხიო აგუერომ იმავე კუნმა გაიტანა. მანჩინიმ თქვა:
"აგუეროს წარმატება მახარებს, მაგრამ ძალიან მოხარული ვიქნები თუ მომავალში ის მხოლოდ ერთს გაიტანს, გუნდი კი მოიგებს".
ყოველდღიური სპორტული გაზეთი "ლელო"
