"მანჩესტერ სიტის" ექსტრავაგანტური თავდამსხმელი, 21 წლის იტალიელი მარიო ბალოტელი თავისი მდიდრული სახლის უკანა ეზოს მიადგა და ბაღი რბოლის ტრასად აქცია. მავანმა წყარომ ინგლისურ ტაბლოიდებს ამბავი მიუტანა:"მარიო სპორტის ნამდვილი გიჟია. მისთვის სულერთია, ფეხბურთს თამაშობს, ცურავს, კარატეში ვარჯიშობს თუ ძიუდოს ილეთებს ამუშავებს. კვადროციკლით კი ის სწრაფად მართვის მოთხოვნილებასაც იკმაყოფილებს. ის კორპუსიდან კერძო სახლში გადაბარგდა და გაილაღა. ეზო აკლებული აქვს, თუმცა, ჯერჯერობით მეზობლებისგან არავის უჩივლია. ის დიდი ბავშვია, მის მეგობარ გოგონას, რაფაელას კი ეს ამბავი საერთოდ არ აწუხებს".
უბანი, რომელშიც ბალოტელი გადასახლდა
ყოველდღიური სპორტული გაზეთი "ლელო"
