"ტოტენჰემ ჰოთსპურის" მწვრთნელმა, ჰარი რედნაპმა "მანჩესტერ იუნაიტედს" და მის ქომაგებს გული ატკინა - ინგლისის ჩემპიონთა "ხმაურიან მეზობელზე", "მანჩესტერ სიტიზე" თქვა ევროლიგას მოიგებსო. თავად "ტოტენჰემი", მოგეხსენებათ, თავიდანვე ამ, მეორეხარისხოვან ევროშეჯიბრებაში მონაწილეობდა და მაინც და მაინც გულს არ უდებდა - გუშინდელ თამაშამდე, მაგალითად, საქმე ისე მიიყვანა, რომ პლეი-ოფში გასასვლელად თავად "შემროკისთვის" უნდა მოეგო, მაგრამ მარტო ესეც არ ყოფნიდა. კიდევ, ბერძნულ "პაოკს" რუსული "რუბინი" ექვსი გოლით უნდა გაენადგურებინა... მანჩესტერული გრანდები კი ჩემპიონთა ლიგის ჯგუფურ ეტაპზე ჩაფლავდნენ და ევროლიგაში გადავიდნენ.
რედნაპმა თქვა: "კეთილი იყოს
ვფიქრობ, თუ მოინდომებს, ამ შეჯიბრებაში "სიტი" გაიმარჯვებს. ალექსი, ალბათ, საუკეთესო შემადგენლობით ბრძოლას არ ისურვებს, ისტლენდელებს კი შეუძლიათ ორი თანაბარი გუნდი ცვალონ. გაიხსენეთ, ორშაბათს, როგორ ეთამაშა "სიტი" "ჩელსის". ნასრი და ჯეკო სათადარიგოთა სკამზე ჰყავდა. დაუჯერებელია".
ყოველდღიური სპორტული გაზეთი "ლელო"
