კვირას, 26 თებერვალს "არსენალი" "ტოტენჰემს" "ემირიტსზე" უმასპინძლებს. სტუმრები ამ შეხვედრის წინ სერიოზული საკადრო პრობლემების წინაშე დგანან. "დეზებს" პრემიერლიგაში ყველაზე საძულველ მეტოქესთან ძველი ტრავმირებულების (სანდრო, ჰადლსტოუნი, გალასი ვან დერ ვაარტი) გარდა შესაძლოა მუხლმტკივანი ემანუელ ადებაიორიც დააკლდეს.
ტოგოელს "სტივენეიჯთან" ასოციაციის თასის მე-5 ეტაპის მატჩშიც არ უთამაშია. "ტოტენჰემს" ამ შეხვედრაში ლუკა მოდრიჩი და ბენუა ასუ-ეკოტოც არ ჰყავდა, მაგრამ ისინი მომავალი უქმეებისთვის სავარაუდოდ მოიკეთებენ. ხორვატი ფეხბურთელი უბრალოდ გაციებული იყო, კამერუნელმა კი საზარდულზე უმნიშვნელო ოპერაცია გაიკეთა და მხოლოდ 3-4 დღე გაუცდება.
ყოველდღიური სპორტული გაზეთი "ლელო"
