"ჩელსის" ხელმძღვანელმა რომან აბრამოვიჩმა გამორიცხა ჟოზე მოურინიოს კლუბში დაბრუნების შანსი. "განსაკუთრებული კაცი N1", რომელმაც ლონდონში 3 წელიწადში 6 ტიტული მოიპოვა, სავარაუდოდ, მზად იყო დაეტოვებინა მადრიდის "რეალი" და დაბრუნებულიყო "სტემფორდ ბრიჯზე", რათა საქმეები ბოლომდე მიეყვანა. თუმცა მილიარდერმა, სახელად "წითელი რომი", ვინც 2007 წელს დროზე ადრე პორტუგალიელთან კონტრაქტის გაწყვეტაში 16 მილიონი ფუნტი გადაიხადა, განაცხადა, რომ ეს არ მოხდებოდა.
ამასობაში "სანსპორტმა" გაავრცელა ექსკლუზიური ინფორმაცია იმის თაობაზე, რომ პარასკევს (23 მარტს. რედ) "არისტოკრატების" მესაკუთრემ "ბარსას" დამრიგებელ პეპ გვარდიოლას 4-წლიანი ხელშეკრულება და 40 მილიონი ფუნტის
"ჩელსის" მაღალი ჩინის ფუნქციონერის თქმით: "არანაირი შანსი იმისა, რომ რომანმა მოურინიო დააბრუნოს, არ არსებობს. ვიმეორებ, არანაირი, - და იქვე დაამატა, - რუსები უკან არასდროს არაფერს აბრუნებენ. ისინი გამოცვლიან საგანს ისეთივე ახლით, მაგრამ ძველს არ გამოასწორებენ. მათ არ შეუძლიათ აღიარონ, რომ შეცდნენ.
აბრამოვიჩისთვის მოურინიოს დაბრუნება იმის აღიარება იქნება, რომ ძვირად ღირებული შეცდომა დაუშვა".
თებერვალში "ჩელსის" ბოსი ძალიან გააბრაზა იმ ფაქტმა, რომ პორტუგალიელი ლონდონში ჩავიდა და სახლი შეიძინა. ეს ინფორმაცია მაშინ გავრცელდა, როცა ზეწოლა მაშინდელ "ჩელსის" დამრიგებელ ანდე ვილაშ ბოაშზე კრიტიკულ ზღვარს აღწევდა.
ზემოთ აღნიშნულმა წყარომ ესეც ბრძანა:
"მოურინიოსთვის ძალიან ადვილია ილაპარაკოს ლონდონში დაბრუნებაზე მაშინ, როცა მას პრობლემები საკუთარ კლუბში აქვს. მაგრამ იქამდე, ვიდრე "ჩელსის" აბრამოვიჩი ფლობს, ხალხს შეუძლია დაივიწყოს ჟოზეს აქ დაბრუნების თემა".
* * *
"სანის" მკითხველებს განსხვავებული რეაქცია ჰქონდათ აღნიშნულ ინფორმაციაზე:
Sean 1986 პორტუგალიელს თავისთან ეპატიჟება: "ლივერპულში" გვესტუმრე, ჟოზე!"
ამავე აზრს უჭერს მხარს Bigjan:
"თუკი ის თავის თავს კარგ მწვრთნელად მიიჩნევს, ჩამოვიდეს "ლივერპულში" და სცადოს იმ უწესრიგობის მოგვარება, რომელიც კენიმ მოგვიტანა. ამის მერე დავრწმუნდებით, რანაირი "განსაკუთრებულიცაა".
"ჩელსის" გულშემატკივარი Les Troops-ის სახელით ასეთ რამეს გვთავაზობს:
"რატომ არ უნდა მივცეთ შანსი "ჩელსის" დღევანდელ მწვრთნელს? ის საქმეს ჯერჯერობით კარგად უძღვება. ჩვენ ვაგრძელებთ ჩემპიონთა ლიგაში გამოსვლას, ჯერ კიდევ ვართ ასოციაციის თასზე და თან ჯერ სეზონიც არ დასრულებულა. გვეყოფა მწვრთნელზე ლაპარაკი. მოდი, ფეხბურთი ვითამაშოთ".
მან ერთი საინტერესო ფრაზაც დაწერა კლუბის ბოსზე:
"რომანს სამი საქმე გამოსდის კარგად: ფულის ხარჯვა, მწვრთნელების სკალპების შეგროვება და არაფრისმაქნისი ფეხბურთელების შეძენა".
ამ ცინიკურ შეფასებას არ ეთანხმება მკითხველი სახელად Oraclesvoice:
"თუკი მართალია, რომ ჟოზე გუნდში არ დაბრუნდება, ეს მხოლოდ იმას ნიშნავს, რომ რომანი პრინციპების ერთგული ადამიანია".
Seu-afc-ს კი მიაჩნია, რომ: "ზოგ ადამიანს უფრო მეტი ფული აქვს, ვიდრე ჭკუა".
Aussiemichelle არაორაზროვნად მიანიშნებს, რომ ის "ჩელსის" შიდა სამზარეულოს იცნობს და აბრამოვიჩის ჩანაფიქრებიც იცის:
"რომანმა უკვე შეარჩია ადამიანი, რომელსაც მალე დანიშნავს. გაძლევთ მინიშნებას: იტალიელია, აქვს გუნდების მართვის დიდი გამოცდილება, არცთუ ისე დიდი ხნის წინ გაუშვეს ინგლისურად მოლაპარაკე ქვეყნის ნაკრების მთავარი მწვრთნელობიდან, რადგან გამბედაობა არ ეყო, შეეცვალა გუნდის კაპიტანი".
Lucky კი, უბრალოდ, იმედგაცრუებულია:
"ჩელსის" გულშემატკივრებისთვის ეს უსიამოვნო ინფორმაციაა. რომანს შეუძლია "ჩელსისთვის" ნებისმიერი იყიდოს, ვისაც მოისურვებს, მაგრამ იმას ვერა, ვინც ყველაზე მეტად გვჭირდება".
პოლ სმიტი სანი ("სანი")
