"მანჩესტერ სიტის" მთავარმა მწვრთნელმა რობერტო მანჩინიმ "ტოტენჰემის" ჰავბეკ ლუკა მოდრიჩით დაინტერესება გამოხატა. იტალიელმა სპეციალისტმა აღნიშნა, რომ ხორვატის ხელში ჩაგდება ძალიან რთული იქნება.
შეგახსენებთ, რომ ჰავბეკმა "დეზებთან" კონტრაქტი არ გააგრძელა და გუნდის დატოვება ჯერ კიდევ გასულ წელს შეეძლო - მისით ლონდონის "ჩელსი" იყო დაინტერესებული.
"მოდრიჩი შესანიშნავია. ის პრემიერლიგაში ერთ-ერთი საუკეთესო მოთამაშეა. მისი შეძენა ძალიან რთული იქნება, ის ხომ სერიოზულ კლუბში გამოდის.
მეეჭვება, რომ კლუბის ხელმძღვანელობა მას შეელიოს", - თქვა მანჩინიმ.
მომზადებულია Thе Sun-ის მიხედვით
