2007 წელს 17 წლის გარეთ ბეილს "მანჩესტერ იუნაიტედში" კარიერის გაგრძელების შანსი ჰქონდა, მაგრამ უელსელმა უარი თქვა ამ პატივზე და "ტოტენჰემში" წავიდა. საამისოდ მას ერთადერთი მიზეზი ჰქონდა - "უაით ჰართ ლეინზე" მეტი სათამაშო პრაქტიკა და პროფესიული ზრდის მეტი შანსი ჰქონდა.
"დიახ, "მანჩესტერ იუნაიტედი" კონტრაქტს მთავაზობდა, მაგრამ მე პირველ გუნდში თამაში მინდოდა. ამის გარანტია კი "ტოტენჰემში" მაშინდელმა მთავარმა მწვრთნელმა მარტინ იოლმა მომცა. სწორედ ეს იყო უმთავრესი, რატომაც გადავდგი ეს ნაბიჯი," - განაცხადა ფეხბურთელმა.
აგბონლაჰორი, ახალი კაპიტანი
მას შემდეგ, რაც "ასტონ ვილას" 32
ხელმძღვანელობის მხრიდან შეიძლება ეს გარკვეულწილად პრევენციაც იყოს იმისა, რომ ფეხბურთელმა "ვილა პარკის" დატოვებაზე არ იფიქროს, რადგან ბოლო დროს ხშირად იწერება, რომ გაბი სეზონის დასრულების შემდეგ მარტინ ო’ნილის "სანდერლენდში" აპირებს კარიერის გაგრძელებას.
რაც შეეხება ბულგარელის ჯანმრთელობის მდგომარეობას, მას ქიმიოთერაპიის კურსი დაუნიშნეს და 2 აპრილს ლონდონის ერთ-ერთ საუკეთესო კლინიკაში დააწვინეს. სტენი ადგილზე მოინახულეს "ასტონ ვილას" მესაკუთრე რენდი ლერნერმა, მთავარმა მწვრთნელმა ალექს მაკლიშმა და კლუბის აღმასრულებელმა დირექტორმა პოლ ფოლკნერმა.
დე იონგი ბალოტელის: მოეშვი სისულელეებს!
"მანჩესტერ სიტის" 27 წლის საყრდენმა ნახევარმცველმა ნაიჯელ დე იონგმა მოსთხოვა თავის უმცროს თანაგუნდელ მარიო ბალოტელის, რომ შეწყვიტოს სისულელეების კეთება. 21 წლის იტალიელი "სიტიში" გადასვლის დღიდან არასაფეხბურთო ამბების გამო უფრო ხშირად ხვდება გაზეთების პირველ გვერდებზე, ვიდრე პროფესიული ღირსებების საჯაროდ დემონსტრირების წყალობით.
ჰოლანდიელმა "სანთან" ინტერვიუში შემდეგი რამ განაცხადა: "მარიო ხანდახან თავს მართლა ისულელებს. არის მომენტები, როცა ის გენიოსივით თამაშობს. მოკლედ, მასში ორი მხარეა. ხალხი მისგან ერთ რამეს ელოდება - როდის შეწყვეტს ამ ბავშვურ ანცობას. ის ალბათ თავადაც აცნობიერებს, რომ რაღაცა უნდა მოიმოქმედოს. მის პირად ცხოვრებაში ყველაფერი კარგადაა, რაც მას უნდა დაეხმაროს საქმეზე მაქსიმალურად კონცენტრაციაში".
ოფიციალური წინადადება
"რეინჯერსის" ყოფილმა დირექტორმა პოლ მიურეიმ და კონსორციუმმა "ცისფერმა რაინდებმა" გუშინ ოფიციალურად დაადასტურეს, რომ "პროტესტანტების" მმართველ დირექტორებს უკვე გაუგზავნეს მომხიბლავი წინადადება კლუბის შეძენასთან დაკავშირებით.
მათი თქმით, ისინი წინადადების შემდგომ გაუმჯობესებას არ გეგმავენ და თუკი ამჟამინდელი პირობებით "რეინჯერსის" შეძენას ვერ შეძლებენ, მაშინ ისინი ბრძოლას საბოლოოდ შეწყვეტენ. სწორედ გუშინ ამოიწურა ოფიციალური განაცხადების წარდგენის ვადა და მოლოდინის საწინააღმდეგოდ, რომ დათქმულ დრომდე ისინი მინიმუმ 4-5 სერიოზულ შეთავაზებას მიიღებდნენ, ერთადერთი, ვინც კლუბის შეძენა მოინდომა, მიურეი და კომპანია გახლდათ.
საბოლოოდ გაირკვა, რომ "ცისფერი რაინდების" კონსორციუმში შედიან კომპანია "ტიკეტუსი", ვინც "აიბროქსზე" მომდევნო 3 წლის განმავლობაში ფლობს აბონემენტების გაყიდვის უფლებას, გულშემატკივართა ჯგუფები, ასოციაციები და გაერთიანებები. ასე რომ, შეიძლება ითქვას, "რეინჯერსს" მისი ფანებივე ყიდულობენ.
ყოველდღიური სპორტული გაზეთი "ლელო"
