"ბარსელონას" მთავარმა მწვრთნელმა პეპ გვარდიოლამ "ლევანტესთან" ესპანეთის ჩემპიონატის გასვლითი მატჩის შემდეგ განაცხადა, რომ ამ დაპირისპირების სირთულეში ეჭვიც არ ეპარებოდა.კატალონიელები მატჩის მსვლელობისას 0:1 აგებდნენ, თუმცა ორჯერ გატანა მოახერხეს და სამი ქულა მოიპოვეს.
"დრო კიდევ გვექნება, რათა მადრიდის "რეალთან" მატჩზე ვისაუბროთ. რაც შეეხება "ლევანტესთან" შეხვედრას, ვვარაუდობდით, რომ ის რთული გამოდგებოდა. ეს ერთერთი ყველაზე რთული მეტოქეა, ვისაც შევხვედრივართ. ისინი დაცვაში ძალიან საიმედოდ მოქმედებდნენ, სახიფათო კონტრშეტევებს წარმართავენ.
ბურთს მცირე ხანს ვფლობდით და ბევრი საგოლე მომენტი არ შეგვიქმნია. მაგრამ ჩვენი პირველი გოლის შემდეგ დავმშვიდდით.
