ლონდონის "ტოტენჰემის" თავკაცი ჰარი რედნაპი ინგლისის ნაკრების მთავარი მწვრთნელის თანამდებობაზე დანიშვნის მთავარ კანდიდატად მიიჩნეოდა, თუმცა უახლოეს მომავალში ამ თანამდებობაზე "ვესტ ბრომვიჩის" დამრიგებელ როი ჰოჯსონს დანიშნავენ. "ტოტენჰემის" მთავარმა მწვრთნელმა ამ ამბის შესახებ კომენტარი გააკეთა.
"დანიშნონ, რა პრობლემაა? ასეთი გადაწყვეტილებით შეურაცხყოფილი არ ვარ. ჰოჯსონს ინგლისის ნაკრებში წარმატებებს ვუსურვებ.
რაც შემეხება მე, "ტოტენჰემში" მშვენიერი სამუშაო მაქვს. სულაც არ დავიბოღმები", - განაცხადა რედნაპმა ინგლისურ პრესაში.
