"მანჩესტერ სიტიმ" "მანჩესტერ იუნაიტედს" ისევ აჯობა და გალიდერდა

ინგლისის პრემიერლიგის დასრულებამდე ორი ტურით ადრე მანჩესტერულ დერბიში "სიტიმ" "იუნაიტედი" დაამარცხა და სატურნირო ცხრილში გალიდერდა.

ახლა ორივე მანჩესტერულ გუნდს 83-83 ქულა აქვს, თუმცა "სიტის" უპირატესობა გატანილ-გაშვებული ბურთების უკეთესი ბალანსითაა განპირობებული.

30 აპრილს გამართულ შეხვედრაში ერთადერთი გოლი გავიდა. პირველ ტაიმში ვენსან კომპანი გამოირჩა. მთლიანობაში კი თამაში ლამის სახიფათო მომენტების გარეშე წარიმართა. "სიტის" ის ერთადერთი გოლიც სტანდარტულ მდგომარეობას მოჰყვა. კომპანიმ კუთხურის გათამაშების შემდეგ შეაგდო.

შეგახსენებთ, რომ პრემიერლიგის წინა დერბი რობერტო მანჩინის გუნდის გამარჯვებით, ანგარიშით 1:6 დასრულდა.

37-ე ტურში "სიტი" "ნიუკასლს" სტუმრად ეთამაშება, "იუნაიტედი" კი "სუონსის" მიიღებს. ბოლო ტურში "ქალაქელები" "ქუინზ პარკ რეინჯერსს" ეთამაშება, "წითელ ეშმაკებს" კი მეტოქედ "სანდერლენდი" ეყოლება.

თუკი სატურნირო ცხრილში მანჩესტერული გუნდების მეტოქეთა ადგილებით ვიმსჯელებთ, შედარებით იოლი კალენდარი ალექს ფერგიუსონის გუნდს აქვს - ამჟამად "ნიუკასლი" მეოთხეა, კპრ - მე-17, "სანდერლენდი" და "სუონსი" კი, შესაბამისად, მე-11 და მე-12 ადგილებს იკავებენ.

ინგლისი. პრემიერლიგა. XXXVI ტური
მანჩესტერ სიტი-მანჩესტერ იუნაიტედი 1:0 (იხილეთ ვიდეო)
მანჩესტერ სიტი (4-2-3-1): ჰარტი - კლიში, კომპანი, ლესკოტი, საბალეტა - ი. ტურე, ბერი - დ. დილვა (82. რიჩარდსი), ნასრი (90+2 მილნერი), ტევესი (68. დე იონგი) - აგუერო
მანჩესტერ იუნაიტედი (4-5-1): დე ხეა - ფ. ჯონსი, ფერდინანდი, სმოლინგი, ევრა - ნანი (83. ე. იანგი), კერიკი, სქოულზი (78. ვალენსია), პარკი (58. უელბეკი), გიგზი - რუნი
გოლები: 1:0 კომპანი (45)
გაფრთხილება: კომპანი, ი. ტურე, დე იონგი - ფ ჯოუნსი, კერიკი
კარში დარტყმა: 7-2(2-0), კუთხური: 8-8, ჯარიმა: 11-15, თამაშგარე: 1:0 ბურთის ფლობა: 54%-46%
მაყურებელი: 47 259

სატურნირო ცხრილი
ა გ თ მ ფ წ ბ ქ
1. სიტი 36 26 5 5 88-27 83
2. იუნაიტედი 36 26 5 5 86-33 83
3. არსენალი 36 20 6 10 68-44 66
4. ტოტენჰემი 35 18 8 9 59-39 62
5. ნიუკასლი 35 18 8 9 53-46 62
6. ჩელსი 35 17 10 8 62-39 61
7. ევერტონი 35 14 9 12 46-38 51
8. ლივერპული 35 13 10 12 43-37 49
9. ფულჰემი 35 12 10 13 45-48 46
10. ვესტ ბრომ. 36 13 7 16 41-47 46
11. სანდერლ. 36 11 12 13 44-43 45
12. სუონსი 36 11 11 14 43-49 44
13. ნორვიჩი 36 11 10 15 47-63 43
14. სტოკ სიტი 35 11 10 14 33-49 43
15. ასტონ ვილა 36 7 16 13 36-50 37
16. უიგანი 36 9 10 17 38-60 37
17. ქუინზ პარკი 36 9 7 20 40-63 34
18. ბოლტონი 35 10 4 21 41-69 34
19. ბლექბერნი 36 8 7 21 47-75 31
20. ვულვზი 36 5 9 22 38-79 24

ბომბარდირები
28 - რობინ ვან პერსი (არსენალი); 26 - უეინ რუნი (მანჩესტერ იუნაიტედი); 22 - სერხიო აგუერო (მანჩესტერ სიტი), 16 - კლინტ დემპსი (ფულჰემი), დემბა ბა (ნიუკასლი) იაკუბუ აიგბენი (ბლექბერნი); 13 - ედინ ჯეკო, მარიო ბალოტელი (ორივე მანჩესტერ სიტი), ემანუელ ადებაიორი (ტოტენჰემი), გრანტ ჰოლტი (ნორვიჩი)