"მანჩესტერ სიტის" მთავარმა მწვრთნელმა რობერტო მანჩინიმ განაცხადა, რომ "ნიუკასლთან" ინგლისის პრემიერლიგის 37-ე ტურის მატჩში "ქალაქელებს" უფრო გაუჭირდება, ვიდრე მანჩესტერულ დერბიში."ნიუკასლთან" რთული თამაში გველის, უფრო რთული, ვიდრე "მანჩესტერ იუნაიტედთან". უცნაურია, მაგრამ ასეა. ჩვენი უახლოესი მეტოქე ფანტასტიკურ სეზონს ატარებს და ჩემპიონთა ლიგაში მოხვედრას ესწრაფვის. მათი მწვრთნელი ინგლისში ერთ-ერთი საუკეთესო სპეციალისტია. მართლაც რთული თამაში გველის.
ჯერ გადაწყვეტილი არაფერია. დიახ, პირველ ადგილზე ვართ, მაგრამ ორი მატჩის მოგება გვჭირდება. თუ გამარჯვება გვსურს, არ უნდა მოვეშვათ", - აღნიშნა მანჩინიმ.
