"მანჩესტერ სიტის" ხელმძღვანელობა რობერტო მანჩინის ახალ კონტრაქტს შესთავაზებს, რომელიც სამ წელიწადზე იქნება გათვლილი. შეგახსენებთ, რომ მოქმედი შეთანხმება მანჩინისა და "სიტის" შორის 2013 წლამდეა გათვლილი.
როგორც Goal.com იუწყება, იტალიელ სპეციალისტს ახალი წინადადებით პრემიერლიგის მიმდინარე სეზონის დასრულებისთანავე მიმართავენ. რაც მთავარია, ხელშეკრულებაში ჩაიდება სოლიდური ფინანსური პირობა - დაახლოებით 6,2 მლნ ევრო წელიწადში (ამჟამინდელით, 4,3 მლნ).
თავის მხრივ მანჩინი "ქალაქელებთან" კონტრაქტის გახანგრძლივებაზე ჯერ კიდევ დეკემბერში საუბრობდა და აცხადებდა, რომ "სიტისთან" თანამშრომლობის ყველაზე ოპტიმალურ ვარიანტად კონტრაქტის კიდევ 2 წლით გაგრძელებას მიიჩნევდა.
