"მანჩესტერ სიტის" მთავარმა მწვრთნელმა რობერტო მანჩინიმ დაადასტურა, რომ კლუბი ახირებული, მაგრამ ნიჭიერი ფორვარდის მარიო ბალოტელის გაყიდვას არ აპირებს. მან ასევე ზლატან იბრაჰიმოვიჩის "ქალაქელთა" რიგებში შესაძლო გადასვლის შესახებ იტალიაში გავრცელებული ინფორმაცია შეაფასა."იბრა, უსიტყვოდ, უდიდესი ფეხბურთელია. თუმცა არ ვფიქრობ, რომ "მილანი" მის გაყიდვას ფიქრობდეს. რაც შეეხება ბალოტელის, ის 101 პროცენტის ალბათობით ჩვენს გუნდში დარჩება", - განაცხადა მანჩინიმ.
