"მანჩესტერ იუნაიტედმა" ფეხბურთის ყველაზე ძვირად ღირებული ბრენდების სიაში პირველი ადგილი შეინარჩუნა, მიუხედავად იმისა, რომ სეზონი ტიტულის გარეშე დაასრულა."მანჩესტერ იუნაიტედის" ბრენდის ღირებულება 543 მილიონი ფუნტია. წინა სეზონთან შედარებით ეს თანხა 29%-ით გაიზარდა.
მეორე ადგილზე მიუნხენის "ბაიერნი" გავიდა, რომელმაც მადრიდის "რეალსა" და კატალონიის "ბარსელონას" გადაუსწრო. მიუნხენელების ბრენდი 499 მილიონი ფუნტით ფასდება, რაც 59-პროცენტიანი ზრდაა წინა სეზონთან შედარებით.
ინგლისში "წითელი ეშმაკების" მთავარი მეტოქის, "მანჩესტერ სიტის" ბრენდის ღირებულება 192 მილიონი ფუნტია და ის მე-8 პოზიციაზე იმყოფება, მაგრამ ბრენდის ფასის შთამბეჭდავი ზრდა აქვს -
წინა სეზონთან შედარებით, სიის პირველი 25 კლუბიდან ბრენდის ღირებულების მაქსიმალური მომატება აქვთ "ნიუკასლს" (115%) და ამსტერდამის "აიაქსს" (150%).
რაც შეეხება ესპანურ და იტალიურ კლუბებს, მათი ბრენდების ღირებულების ზრდა არ დაფიქსირდა, რადგან ამ ქვეყნებში ფინანსური კრიზისია.
"რეალისა" და "ბარსელონას" ბრენდების ფასის ზრდამ 7 და 8 პროცენტი შეადგინა, "მილანის"-7%, "ინტერის" -18.
ტურინის "იუვენტუსის" ბრენდის ფასი კი, წინა სეზონთან შედარებით, 13 პროცენტით დაეცა.
ფეხბურთის 10 ყველაზე ძვირად ღირებული ბრენდი:
1(1) მანჩესტერ იუნაიტედი (ინგლისი) - 543 მილიონი ფუნტი (29%)
2(4) ბაიერნი (გერმანია) - 499 (59%)
3(2) რეალი (ესპანეთი) - 381 (7%)
4(3) ბარსელონა (ესპანეთი) - 368 (8%)
5(5) ჩელსი (ინგლისი) - 253 (27%)
6(6) არსენალი (ინგლისი) - 246 (29%)
7(9) ლივერპული (ინგლისი) - 233 (47%)
8(11) მანჩესტერ სიტი (ინგლისი) - 192 (77%)
9(7) მილანი (იტალია) - 185 (7%)
10(12) შალკე (გერმანია) - 167 (97%)
მომზადებულია Brand Finance-ს მიხედვით
