ჩემპიონთა ლიგის ფინალის დაჯილდოების ცერემონიალის შემდეგ ჯონ ტერი და მისი ემოციები გულშემატკივართა მხრიდან დაცინვის საფუძველი გახდა. შეგახსენებთ, რომ 1/2-ფინალში "ბარსელონასთან" გაძევების წყალობით 31 წლის კაპიტანი დისკვალიფიცირებული გახლდათ და ფრენკ ლემპარდის ნაცვლად (ლონდონელთა კაპიტანი ფინალში) თასი სწორედ მან აღმართა. ფანები მეორე დღესვე შეუდგნენ ფოტოკოლაჟების დამზადებას, სადაც ფეხბურთელი, მაგალითად, მთვარეზე ნილ არმსტრონგის გვერდით ჩანს, ბუკინგემის სასახლის აივანზე ქორწილისას პრინც უილიამსა და პრინცესა კეიტ მიდლტონს უმშვენებს გვერდს, ლეონარდო და ვინჩის "საიდუმლო სერობაში" მაგიდას იესო ქრისტეს მაგივრად უზის, ჩაქუჩით ხელში ბერლინის კედელს ანგრევს, 1966
აღსანიშნავია, რომ "ტერის დაცინვის კამპანიას" სოციალურ ქსელებში პოპულარული ადამიანებიც შეუერთდნენ, მაგალითად, ავტორიტეტული ჟურნალისტი პირს მორგანი, ინგლისის კრიკეტის ნაკრების კაპიტანი მაიკლ ვოგანი და ასე შემდეგ.
ყოველდღიური სპორტული გაზეთი "ლელო"
