2011-12 წლების სეზონი "მანჩესტერ იუნაიტედისთვის" წარმატებული ნამდვილად არ ყოფილა, თუმცა, ამის მიუხედავად, გუნდს გულშემატკივართა რიცხვი არ მოჰკლებია."გარდიანის" ცნობით, მარკეტინგული კვლევების შედეგად დადგინდა, რომ მსოფლიოში 659 მილიონი ადამიანი "წითელ ეშმაკებს" ქომაგობს.
გამომდინარე აქედან, 2007 წლის შემდეგ "მანჩესტერ იუნაიტედის" ქომაგთა რიცხვმა 100-პროცენტიანი ზრდა განიცადა.
აღსანიშნავია, რომ დიდ ბრიტანეთში "წითლების" გულშემატკივართა მხოლოდ 1%-ია. "მანჩესტერ იუნაიტედის" 173 მილიონი გულშემატკივარი ახლო აღმოსავლეთში ჰყავს, ხოლო 325 მილიონი სამხრეთ-აღმოსავლეთ აზიასა და წყნარი ოკეანის რეგიონში. ჩინეთში კი "წითელ ეშმაკებს" 108 მილიონი ადამიანი ქომაგობს.
