"ლივერპულის" ოფიციალურმა ვებგვერდმა გლენ ჯონსონს მცირე ინტერვიუ ჩამოართვა, რომელსაც ქვემოთ გთავაზობთ. - რომელ სპორტულ ფეხსაცმელს ატარებდით ბავშვობაში?
- პატარაობაში შავ-თეთრი "პუმა კინგსები" მქონდა.
- გოლის აღნიშვნა ყველაზე მეტად ვისი მოგწონებიათ?
- პიტერ კრაუჩის "რობოტი".
- საუკეთესო გოლი ვის კარში გაიტანეთ?
- "პორტსმუთის" შემადგენლობაში "ჰალ სიტის" გავუტანე. ის ბურთი 2008/09 წლების სეზონის საუკეთესო გოლად დაასახელეს.
- მატჩის წინ რაიმე ჩვევა ხომ არ გაქვთ?
- არა.
- მარჯვენა მცველებიდან ყველაზე მეტად ვინ მოგწონთ?
- ალბათ ბარსელონელი დანი ალვეში.
- რომელ სტადიონზე არ
- "სან სიროზე".
- ყველაზე უკეთ ვინ იცვამს თქვენი თანაგუნდელებიდან?
- საკუთარი თავი რომ დავასახელო შეიძლება? ვცდილობ გავიხსენო, რა ეცვათ ბიჭებს ბოლო პერიოდში... ვირჩევ ჯონჯო შელვის.
- და ყველაზე ცუდად?
- სხვა ვარიანტი არც არსებობს - ხოსე ენრიკე. ის ამტკიცებს, რომ ძალიან დიდი რაოდენობით მაღალი ხარისხის ტანსაცმელი აქვს, მაგრამ ეს შეფასება ნამდვილად გადაჭარბებულია.
- გუნდში ყველაზე მხიარული ვინ არის?
- ასეთი რამდენიმეა, მაქსი, პეპე... კიდევ გვყავს ხალისიანი ბიჭები.
- თანაგუნდელთაგან ყველაზე მეტად ვის ისურვებდით საკუთარ რეალითი შოუში?
- ისევ ხოსე ენრიკეს დავასახელებდი.
- ვის კონცერტს დაესწარით უკანასკნელად?
- დიდი ხანია, არც ერთ კონცერტზე აღარ ვყოფილვარ, მაგრამ დავესწარი "მობო ევარდსის" დაჯილდოებას.
- სკოლაში როცა სწავლობდით მაშინ თუ გქონდათ სამუშაო?
- გაზეთების დამტარებლად ვმუშაობდი.
- ოდესმე თუ გითამაშიათ სასკოლო სპექტაკლებში?
- დიახ, როცა ჩემს სკოლაში "ოლივერ ტვისტი" დადგეს, გნებავთ დაიჯერეთ, გნებავთ არა, მაგრამ თავად ოლივერს ვთამაშობდი. როლისთვის ერთი სიმღერა უნდა მესწავლა, რომლის ტექსტი სულ მავიწყდებოდა და მასწავლებელი მკარნახობდა. ეს იყო სკოლის დაწყებით საფეხურებზე. მას მერე მსგავს რამეში მონაწილეობა აღარ მიმიღია.
- უკანასკნელად რომელი ფილმი ნახეთ?
- მელ გიბსონის "მამაცი გული".
- არის თუ არა რომელიმე სატელევიზიო გადაცემა, რომელსაც მუდმივად უყურებთ?
- არა. მე უფრო ძველი კომედიური სატელევიზიო სერიალების ყურებით ვერთობი, მაგალითად "სულელებს უმართლებთ" მიყვარს. ზოგადად ტელევიზორს ნაკლებად ვუყურებ.
- საუკეთესო ფეხბურთელი, ვისაც მოედანზე შეხვედრიხართ?
- რონალდინიო.
- რომელია საუკეთესო გოლი, რომელიც გინახავთ?
- რობერტო კარლოსის საჯარიმო საფრანგეთთან შეხვედრაში 1997 წელს საფრანგეთში გამართულ ოთხთა ტურნირზე.
- საუკეთესო სტადიონი, სადაც ოდესმე გითამაშიათ?
- ბარსელონის "კამპ ნოუ".
ყოველდღიური სპორტული გაზეთი "ლელო"
